ৰঙালী বিহু: ব্যাপক উচাহ মঙলদৈত

কাইলৈ ৰঙালী বিহু । মঙলদৈ নগৰ বালিকা উচ্চ মাধ্যমিক বিদ্যালয়ত প্ৰায় ৫৫০ গৰাকী ছাত্ৰ-ছাত্ৰীয়ে অংশগ্ৰহণ কৰিছে বিহু নৃত্যত । আগন্তুক বৰ্ষৰপৰা নতুন শিক্ষানীতিত অন্তৰ্ভুক্ত হ’ব বিহু । সেয়ে বিহুৰ বিষয়ে সজাগতা অনাৰ লগতে বিহুৰ বিষয়ে জ্ঞান প্ৰদানৰ উদ্দেশ্যে বিদ্যালয়খনত এদিনীয়াকৈ বিহু নৃত্য আৰু বক্তৃতাৰ অনুষ্ঠান অনুষ্ঠিত কৰিছে । আনফালে চহৰখনৰ মাজমজিয়াত অনুষ্ঠিত হোৱা মহিলাৰ দ্বাৰা পৰিচালিত বজাৰখনত দেখা গৈছে ব্যাপক ভীৰ ৷ গামোচা, মেখেলা চাদৰ, পিঠা-পনাৰে উভৈনদী হৈ পৰিছে বিহুৰ বজাৰ ৷ গ্ৰাহকৰো যথেষ্ট ভীৰ হৈছে বজাৰত । কৰ'ণাক লৈ চৰকাৰে নতুন নতুন নিয়ম বলৱৎ কৰিছে যদিও যিকোনো পৰিস্থিতিতে বিহু উদযাপন কৰা হ’ব বুলি দাবী মঙলদৈবাসীৰ ।