বিহুক অৱমাননা বিগ বজাৰৰ; মানে কে মাগে হিথেত বিহুৰ ফিউজন !

সাংস্কৃতিক তথা শৈক্ষিক ৰাজধানী যোৰহাটত অসমীয়াৰ গৌৰৱ তথা অসমৰ জাতীয় উৎসৱ বিহুক চৰম অপমান কৰিলে বহুৰ্জাতিক কোম্পানী বিগ বজাৰে ৷ সংস্কৃতি প্ৰদৰ্শনৰ নামত চূড়ান্ত ভণ্ডামি কৰিলে বহুজাতিক কোম্পানীটোৰ একাংশ কৰ্মীয়ে ৷ "মানিকি মাগে হিথে" নামৰ তামিল গীতত অসমীয়াৰ বাপতি সাহোন বিহুক ফিউজন কৰি, বিহুৰ সাজত নাচনীক নাচিবলৈ বাধ্য কৰালে কোম্পানীটোৰ কৰ্মীয়ে ৷ এফালে বিদেশীয়ে অসমৰ ভেটি কাঢ়ি নিছে আৰু আনফালে অসমৰ বাপতি সাহোন বিহুক বিকৃত কৰাত নামি পৰিছে স্বাভিমান নাইকীয়া একাংশ অসমীয়া নামধাৰী লোক ৷ যোৰহাট বিগ বজাৰত যি ঘটনা ঘটিল সেইয়া নিশ্চিত ভাৱে কোনো স্বাভিমানি অসমীয়াই সহ্য কৰিব নোৱাৰে ৷ ইফালে সাংবাদিকৰ আগত দায় সৰা মন্তব্য বিগবজাৰ কৰ্তৃপক্ষৰ ৷ ঘটনা সংক্ৰান্তত ইতিমধ্যে যোৰহাটৰ একাংশ সাংবাদিকে আৰক্ষী ওচৰত এজাহাৰ দাখিল কৰিছে ৷