এবছৰে বন্ধ বিশ্বনাথৰ গ’ল্ড চিনেমা

বিশ্বনাথ চাৰিআলিৰ গ’ল্ড চিনেমা হল পুনৰ মুকলি কৰাৰ দাবী ৰাইজৰ ৷ পাভৈ সমিতিৰ দ্বাৰা পৰিচালিত মহলৰ গৃহটোত কেইজনমান ব্যৱসায়ী একগোট হৈ নিৰ্মাণ কৰা এই হলটো বিগত বহু সময় ধৰি বন্ধ হৈ থকাত এতিয়া স্থানীয় ব্যৱসায়সকলৰ ব্যৱসায়িক দিশটো বহুখিনি প্ৰভাৱ পৰিছে ৷ যি সময়ত অসমীয়া চিনেমাক লৈ বহু আলোচনা-সমালোচনা অব্যাহত আছে আৰু চিনেমা হলৰ নগণ্য সংখ্যাই অসমীয়া ছবিৰ ব্যৱসায়িক দিশত বিৰূপ প্ৰভাৱ পেলাইছে তেনে এক সময়তে চিনেমা হলটো বন্ধ হৈ পৰাত উদ্বিগ্ন হৈ পৰিছে চলচ্চিত্ৰপ্ৰেমী ৷