বিধায়ক শ্বেৰমান আলিৰ বিৰুদ্ধে গোচৰ ৰুজু

বাঘবৰৰ বিধায়ক শ্বেৰমান আলী আহমেদৰ বিৰুদ্ধে আইনৰ কাষ চাপিছে বৰপেটা সত্ৰই (Barpeta Satra to stand by law against Sherman Ali Ahmed) ৷ বৃহস্পতিবাৰে বৰপেটা সত্ৰৰ 'পাটচাঙ'ত অনুষ্ঠিত সত্ৰ পৰিচালনা সমিতিৰ সভাত বিধায়কগৰাকীৰ বিৰুদ্ধে গোচৰ ৰুজু কৰাৰ সিদ্ধান্ত গ্ৰহণ কৰে সত্ৰ পৰিচালনা সমিতিয়ে ৷ বিধায়ক শ্বেৰমান আলী আহমেদৰ বক্তব্য বৰপেটা সত্ৰৰ প্ৰতি অপমানজনক বুলি অভিহিত কৰিছে বুঢ়াসত্ৰীয়া বশিষ্ঠ শৰ্মাই (Sherman Ali controversial remarks) ৷ তেওঁ থকালৈকে বাঘবৰত উচ্ছেদ হ’ব নোৱাৰে বুলি ক’বলৈ তেওঁ অসমৰ মালিক নেকি বুলিও প্ৰশ্ন তোলে বুঢ়াসত্ৰীয়াগৰাকীয়ে ৷ এয়া কেৱল বৰপেটা সত্ৰৰ প্ৰতিয়েই নহয়, অসমৰ সমূহ সত্ৰৰ প্ৰতিয়েই অপমানজনক বুলিও মন্তব্য কৰে বুঢ়াসত্ৰীয়া গৰাকীয়ে ৷