আলফাত যোগদান কৰিবলৈ গৈ কি হ’ল যুৱকৰ !

নাগালেণ্ডৰ মন জিলাত সোমবাৰে অসম ৰাইফলছে টীয়কৰ এজাৰগুৰিৰ এজন যুৱকক আটক কৰে । যুৱকজনে আলফাত যোগদান কৰিবলৈ যোৱা অৱস্থাত আটক কৰে অসম ৰাইফলছে । আটকাধীন যুৱকজন টীয়কৰ এজাৰগুৰিৰ সুনীল বৰা আৰু অৰ্পণা বৰাৰ একমাত্ৰ পুত্ৰ তথা মেধাৱী ছাত্ৰ অৰিন্দম বৰা বুলি জানিব পৰা হৈছে৷ অৰিন্দমে শুকুৰবাৰে ব্ৰইলাৰৰ দানা আনিবলৈ ঘৰৰ পৰা ওলাই অহাৰ পাছৰে পৰা সন্ধানহীন হৈ আছিল অৰিন্দম ৷ পিতৃ মাতৃয়ে প্ৰশাসনকো পুত্ৰ সন্ধানহীন হোৱাৰ বিষয়ে অৱগত কৰে ৷ অৱশেষত সোমবাৰে পুৱা নাগালেণ্ডৰ পৰা অহা খবৰত হতাশ হৈ পৰিছে অৰিন্দমৰ পিতৃ-মাতৃ । পুত্ৰক সুশৰীৰে ঘূৰাই দিবলৈ চৰকাৰক অনুৰোধ জনাইছে দুৰ্ভগীয়া পিতৃ-মাতৃয়ে ৷