পহিলা ফেব্ৰুৱাৰীৰ পৰা প্ৰত্যাহাৰ কৰা হ’ব 50 শতাংশ PSO : ঘোষণা মুখ্যমন্ত্ৰীৰ

দুলীয়াজানত অনুষ্ঠিত হোৱা দ্বিতীয় আৰক্ষী অধীক্ষকৰ সন্মিলন সামৰণি পৰিল (SP's conference in Duliajan) । দুয়োটা দিনতে মুখ্যমন্ত্ৰী ড৹ হিমন্ত বিশ্ব শৰ্মাই নিজে উপস্থিত থাকি আৰক্ষী অধীক্ষক সকলৰ পৰা প্ৰতিখন জিলাৰ পৰিস্থিতি বুজ লয় (CM Himanta biswa Sarma in SP's Conference)। সন্মিলনৰ সামৰণিত সাংবাদিক সৈতে মত বিনিময় কৰে মুখ্যমন্ত্ৰী গৰাকীয়ে । অসম আৰক্ষীক সম্পূৰ্ণ ন-ৰূপ দিয়াৰ বাবে অসম আৰক্ষীৰ আধুনিকীকৰণ (Modernization of Assam Police), আন্তঃগাঁথনিগত সা-সুবিধা, নিৰাপত্তাজনিত ব্যয়, অপৰাধ, অনুসন্ধান, নিযুক্তি প্ৰক্ৰিয়া আদিকে ধৰি প্ৰায়বোৰ বিষয়েই আলোচনা কৰা বুলি জানিবলৈ দিয়ে । অপৰাধী আৰু ড্ৰাগছ বিৰোধী অভিযান (Assam police anti drugs operation), ৰাষ্ট্ৰীয় সম্পদৰ সুৰক্ষা সুনিশ্চিত, চান্দা-ধন দাবীৰ জৰিয়তে ব্যৱসায়ী-বিনিয়োগকাৰীক কৰা হাৰাহাস্তি ৰোধৰ (Action against extortion in Assam) বাবেই আৰক্ষীক কঠোৰ হোৱাৰ নিদেৰ্শ মুখ্যমন্ত্ৰীৰ । এতিয়াৰে পৰা বন্ধ দিয়া সংগঠনে ক্ষতিপূৰণ দিব লাগিব বুলিও সংবাদমেলত ঘোষণা কৰে মুখ্যমন্ত্ৰীয়ে । লগতে কয় যে, বিগত আঠ মাহত বিভাগীয় সংস্কাৰ আৰু কৰ্মদক্ষতাৰ ক্ষেত্ৰত অসম আৰক্ষীলৈ প্ৰশংসনীয় পৰিৱৰ্তন আহিছে । অসম আৰক্ষীৰ ইতিহাসত পোনপ্ৰথমবাৰৰ বাবে এটা কেলেণ্ডাৰ বৰ্ষত পঞ্জীয়ন হোৱা গোচৰতকৈ নিষ্পত্তি হোৱা গোচৰৰ সংখ্যা বৃদ্ধি পাইছে । বিগত বৰ্ষত ৰাজ্যত ১,৩২,০০০টা গোচৰ ৰুজু হোৱাৰ বিপৰীতে অভিলেখ সংখ্যক ১,৩৪,০০০টা গোচৰ নিষ্পত্তি হৈছে । ৰাজ্যৰ প্ৰতিখন থানা, ১০০ খন আৰক্ষী চকী, ২০টা আৰক্ষী ছাউনী নিৰ্মাণৰ লগতে আৰক্ষীৰ লোকসকলৰ আৱাসৰ সা-সুবিধাৰ বাবে প্ৰয়োজনীয় পদক্ষেপ গ্ৰহণ কৰা হ'ব । চলিত বৰ্ষত আৰক্ষীৰ সামগ্ৰিক আন্তঃগাঁথনিৰ বাবে ২৫০০ কোটি টকা ব্যয় কৰিব ৰাজ্য চৰকাৰে ।