তেজপুৰত ব্ৰহ্মপুত্ৰৰ বুকুত চলিছে নিমাতীত নিৰুদেশ হোৱা লোকৰ উদ্ধাৰ অভিযান

বুধবাৰে নিমাতীঘাটৰ ভয়ংকৰ নাও দুৰ্ঘটনাৰ পিছত নিৰুদেশ হৈ থকা নাওবৈছাৰ ইন্দ্ৰেশ্বৰ বৰাৰ নথি পত্ৰ বিশ্বনাথ চাৰিআলি বিশ্বনাথঘাটত উদ্ধাৰ হোৱাৰ পিচতে তেজপুৰত ব্ৰহ্মপুত্ৰৰ বুকুত এন ডি আৰ এফৰ অভিযান । দিনজোৰা কাৰ্যসূচীৰে এন ডি আৰ এফ ৰ ১২ নং বেটেলিয়ানৰ তৰফৰ পৰা তেজপুৰ জাহাজ ঘাটৰ পৰা কলিয়াভোমোৰা দলঙৰ সমান্তৰালভাৱে ব্ৰহ্মপুত্ৰৰ দুয়োটা পাৰত এই অভিযান অব্যাহত ৰাখিছে । ইতিমধ্যে এই ঘটনাৰ পিছত এন ডি আৰ এফ ,১ নং বেটেলিয়ান আৰু ১২ নং বেটেলিয়ানৰ ৬ টা দলে অভিযান চলাই আছে বুলি জানিব দিয়ে পৰিদৰ্শক মনিশ চৌধুৰীয়ে ৷