ডুমডুমাত স্বাধীনাত সংগ্ৰামীৰ আশীষ ল’লে প্ৰদেশ কংগ্ৰেছৰ সভাপতি ভূপেন কুমাৰ বৰাই

দেওবাৰে দলীয় কাৰ্যসূচীৰে তিনিচুকীয়াত উপস্থিত হৈ অসম প্ৰদেশ কংগ্ৰেছ কমিটিৰ সভাপতি ভূপেন বৰাই ডুমডুমাস্থিত ৰাজীৱ ভৱনত দলীয় কৰ্মীসকলক সৈতে মত বিনিময় কৰে । চহৰৰ মাজমজিয়াত প্ৰাক্তন বিধায়ক দূৰ্গা ভূমিজে এনে এটা কাৰ্যালয় নিৰ্মাণ কৰাৰ বাবে প্ৰাক্তন বিধায়ক গৰাকীক শলাগ লয় সভাপতি গৰাকীয়ে ৷ তাৰপাছতে ফিল'বাৰীৰ স্বাধীনতা সংগ্ৰামী সত্যলতা গগৈ আইতাৰ বাসগৃহত উপস্থিত হয় APCC ৰ সভাপতি ভূপেন বৰাৰ লগতে ডুমডুমা সমষ্টিৰ প্ৰাক্তন বিধায়ক তথা কংগ্ৰেছ নেতা দূৰ্গা ভূমিজ, তিনিচুকীয়াৰ বিশিষ্ট সমাজকৰ্মী বাবুল পুৰকায়স্থ সহ তিনিচুকীয়া জিলা কংগ্ৰেছৰ এটা সজাতি দল ৷ অসম প্ৰদেশ কংগ্ৰেছ কমিটিৰ সভাপতি ভূপেন বৰাই স্বাধীনতা সংগ্ৰামী সত্যলতা গগৈ আইতাৰ বাসগৃহত উপস্থিত হৈ তেওঁৰ চৰণ চুই আশিষ লয় ।