ৰাজপথৰ মাজতে দাও দাও কৈ জ্বলিল এখন যাত্ৰীবাহী বাছ

সৰস্বতী পূজাৰ দিনাই নগাঁৱৰ পুৰণিগুদামত অথন্তৰ । হঠাৎ জ্বলি উঠিল গুৱাহাটীৰ পৰা গোলাঘাট অভিমুখে গৈ থকা এখন যাত্ৰীবাহী বাছ । বৈদ্যুতিক শ্বৰ্ট-চাৰ্কিটৰ ফলত অগ্নিকাণ্ডৰ সূত্ৰপাত হোৱাৰ সন্দেহ প্ৰকাশ কৰে চালকে । ৰাইজ আৰু অগ্নিনিৰ্বাপক বাহিনীৰ সহযোগত বহু সময়ৰ পাছতহে জুই নিৰ্বাপন কৰিবলৈ সক্ষম হয় । কোনোমতে ৰক্ষা পৰিল বাছখনৰ প্ৰায় 40 জন যাত্ৰী ৷ এই ঘটনাৰ পাছতে পুৰণিগুদামৰ ৰাজপথত তীব্ৰ যানজঁটৰ সৃষ্টি হয় ।