ৰঙিয়াত অগপৰ বিধান পৰিষদৰ সভা অনুষ্ঠিত

দেওবাৰে ৰঙিয়াৰ অগপ বিধান পৰিষদৰ কাৰ্যালয়ত অনুষ্ঠিত হয় দলটোৰ এখন মাণ্ডলিক সভা । লীলাধৰ শালৈয়ে আঁত ধৰা এই সভাত ৰঙিয়া বিধানসভা সমষ্টিৰ অন্তৰ্গত প্ৰায় দহখন আঞ্চলিক সমিতিৰ ২০ গৰাকী সভাপতি-সম্পাদক উপস্থিত থাকে । উক্ত সভাখনত সমাগত পঞ্চায়ত আৰু পৌৰসভা নিৰ্বাচন সন্দৰ্ভত দলৰ ভৱিষ্যত কাৰ্যপন্থা সম্পৰ্কত বিতংকৈ আলোচনা কৰা হয় । এই সভাতেই বৈদ্যগড় পঞ্চায়তৰ অন্তৰ্গত তুলসীবাৰী পালবস্তিৰ তপন পাল আৰু কাজল পালৰ নেতৃত্বত কিছুসংখ্যক যুৱকে অগপত আনুষ্ঠানিকভাৱে যোগদান কৰে ৷