হোজাইৰ ডাবলঙত কণমানিক ধৰ্ষণৰ অপচেষ্টা; আটক অভিযুক্ত ছাহদুল

হোজাই জিলাৰ ডাবলঙত অঘটন ৷ এগৰাকী ৬ বছৰীয়া কণমানিক ধৰ্ষণৰ অপচেষ্টা এজন 23-24 বছৰীয়া যুৱকৰ ৷ জানিব পৰা মতে, অভিযুক্ত যুৱকৰ নাম ছাহদুল ইছলাম । ঘটনাৰ বিৱৰণি অনুসৰি, শুকুৰবাৰে পুৱা কণমানিজনী মাদ্ৰাছাৰ পৰা আহি থকা অৱস্থাতে অভিযুক্ত ছাহদুলে পইচা দিম বুলি ফুচুলাই অসৎ কৰ্ম কৰাৰ চেষ্টা কৰে ৷ কিন্তু সেই স্থানত স্থানীয় লোকক দেখি ঘটনাস্থলীৰ পৰা পলায়ন কৰে অভিযুক্ত ছাহদুলে ৷ পৰৱৰ্তী সময়ত স্থানীয় লোকে কণমানিজনীক ৰাস্তাৰ কাষৰ জংঘলৰ পৰা অকলশৰে ওলাই অহাত সন্দেহ কৰি সোধা-পোছা কৰাত পোহৰলৈ আহে সমগ্ৰ ঘটনা । লগে-লগে স্থানীয় ৰাইজে অভিযুক্ত ছাহদুলক কৰায়ত্ব কৰি গতাই দিয়ে আৰক্ষীক । ইতিমধ্যে লংকা আৰক্ষীয়ে ছাহদুলক আটক কৰিছে ৷ জানিব পৰা মতে, দুটা সন্তানৰ পিতৃ ছাইদুল ইছলাম বৃত্তিগত ভাৱে এজন ৰাজমিস্ত্ৰী ।