চিতাৰ দৰে ক’ত জ্বলিল 96 বস্তা বাৰ্মিজ চুপাৰী ?

আদালতৰ নিৰ্দেশ মৰ্মে দেওবাৰে খাৰুপেটীয়াত প্ৰশাসনে জ্বলাই দিয়ে বৃহৎ পৰিমাণৰ বাৰ্মিজ চুপাৰী ৷ যোৱা মে' মাহত দৰং আৰক্ষীয়ে অভিযান চলাই খাৰুপেটীয়াৰ কেইবাটাও গুদামৰ পৰা 96 বস্তা বাৰ্মিজ চুপাৰী সহ‌ আটক কৰিছিল তিনিজন ব্যক্তিক ৷ আদালতৰ নিৰ্দেশ মৰ্মে খাৰুপেটীয়াৰ মেলা ঘাটত দলগাঁও ৰাজহ চক্ৰৰ চক্ৰ বিষয়া শৰৎ গগৈ, খাৰুপেটীয়াৰ থানাৰ ভাৰপ্ৰাপ্ত বিষয়া অভিজিত কাকতিৰ উপস্থিতত উক্ত 96 বস্তা বাৰ্মিজ চুপাৰী দেওবাৰে ভস্মীভূত কৰা হয় ৷ চুপাৰী খিনিৰ বজাৰ মূল্য 24 লক্ষাধিক টকা হ'ব বুলি প্ৰকাশ কৰিছে প্ৰশাসনে ৷