নলবাৰী জিলা প্ৰশাসনৰ উদ্যোগত ৭৫ তম স্বাধীনতা দিৱস উদযাপন

সমগ্ৰ দেশৰ সমান্তৰালকৈ নলবাৰী জিলা প্ৰশাসনৰ উদ্যোগতো জিলাখনত উদযাপন কৰা হয় 75 সংখ্যক স্বাধীনতা দিৱস ৷ নলবাৰী আৰক্ষী নিৱেশৰ খেলপথাৰত অনুষ্ঠিত কাৰ্যসূচীত উপস্থিত থাকে অসম চৰকাৰৰ জলসিঞ্চন বিভাগৰ মন্ত্ৰী পীযুষ হাজৰিকা ৷ সভাত ভাষণ প্ৰসংগত "উন্নত অসম, জাগ্ৰত অসম, সৰ্বাংগ সুন্দৰ অসম আমাৰ শ্ল’গান" বুলি কয় পীযুষ হাজৰিকাই ৷ ইয়াৰ উপৰিও ৰাজ্যত গৰু চিণ্ডিকেট চলাই থাকিবলৈ দিয়া নহ’ব বুলিও মন্তব্য কৰে পীযুষ হাজৰিকাই । লগতে কেৱল বৃত্তিমুখী শিক্ষাইহে অসমক উন্নতিৰ পথত আগুৱাই নিব পাৰে বুলি মন্তব্য মন্ত্ৰী পীযুষ হাজৰিকাৰ ৷ অতিশীঘ্ৰে ৰাজ্যত প’ৰ্টেল বা ফেচবুক পেজৰ পঞ্জীয়নৰ ব্যৱস্থা কৰা হ’ব বুলিও ঘোষণা মন্ত্ৰী পীযুষ হাজৰিকাৰ ৷