২০ নং বৈঠালাংছ সমষ্টিত বিজেপি প্ৰাৰ্থী ৰূপছিং টেৰণৰ জয়

অসম বিধান সভা নিৰ্বাচনৰ ১২৬ টা বিধান সভা সমষ্টিৰ পাৰ্বত্য জিলা পশ্চিম কাৰ্বি আংলঙৰ ২০ নং বৈঠালাংচ সমষ্টিত বিজেপি প্ৰক্ষেপিত প্ৰাৰ্থী ৰূপছিং টেৰণে বৃহৎ সংখ্যক ভোটৰ ব্যৱধানত বিজয় সাব্যস্ত কৰে ৷ মুঠ ১৬ টা ৰাউণ্ডৰ ভোট গণনাৰ অন্তত ৰূপছিং টেৰণে মুঠ ৮৮৭২৭টা ভোট লাভ কৰে ৷ তেওঁৰ নিকটতম প্ৰতিদ্বন্দী কংগ্ৰেছৰ আগষ্টিন ইংহিতকৈ ৫২,৯২৯ ভোটৰ বৃহৎ ব্যৱধানত জয়ী হয় ৷ আগষ্টিন ইংহিয়ে লাভ কৰে ৩৫৭৯৮ টা ভোট ৷ ইয়াৰে এএছডিচিৰ ছাৰচিং ইংহিয়ে লাভ কৰে ১১৪৬৬ টা, এপিএইছএলচিৰ বিক্ৰম হাঞ্চেই লাভ কৰিছে ১৭৮৯৬ টা, এনপিপিৰ ৱেলকাম টেৰণে ১৮৫৮ টা ভোট, চিপিআইএমএলৰ প্ৰতিমা ইংহিপীৰ ১৪৪৫ টা ভোট, জেডি(ইউ) সীমা ইংতিপিয়ে ৯৩৫ টা আৰু নিৰ্দলীয় প্ৰাৰ্থীৰ প্ৰাৰ্থী ৰীণা বেপীয়ে ১২০৬ টা ভোট লাভ কৰে ৷ ন'টা ভোট পৰে ২০৬৩ টা ৷ সাংবাদিকৰ সৈতে হোৱা বাৰ্তালাপত বিজয়ী প্ৰাৰ্থী ৰূপছিং ৰংহাঙে কয় যে, তেওঁ বৈঠালাংছবাসীৰ আশা আকাংখা আৰু উন্নয়ণৰ বাবে নিষ্ঠাৰে কাম কৰি যাব ৷