Missing news: বহিঃৰাজ্যলৈ গৈ সন্ধানহীন অসমৰ যুৱক

মৰাণ, ২৪ জুন: কৰ্মৰ সন্ধানত বহিঃৰাজ্যলৈ গৈ থকা অৱস্থাত সন্ধানহীন হ'ল অসমৰ যুৱক। ডিব্ৰুগড় জিলাৰ বামুনবাৰী আৰক্ষী চকীৰ অন্তৰ্গত টিংখাঙৰ ২ নং দীঘলীয়া গাঁৱৰ নিবাসী চুলেমান হেমৰম আৰু এস্তেৰ হেমৰমৰ পুত্ৰ হানুক হেমৰম (২৩) বহিঃৰাজ্যলৈ গৈ থকা অৱস্থাত সন্ধানহীন হৈছে ।  

উল্লেখ্য যে হানুক হেমৰমে যোৱা ১৬ জুনত ঘৰৰ পৰা ওলাই নাহৰকটীয়া ৰে'লৱে ষ্টেচনৰ পৰা বেংগালুৰুলৈ গৈছিল । ৰে'লেৰে গৈ থকা অৱস্থাত চেন্নাইৰ পেৰামবোৰ ষ্টেচনৰ পৰা সন্ধানহীন হয় হানুক। এই কথা লগত যোৱা বন্ধুসকলে হানুকৰ পৰিয়ালক জানিবলৈ দিয়ে । ইয়াৰ পাছতেই টিংখাঙৰ হানুক হেমৰমৰ পৰিয়ালৰ মাজত হাহাকাৰ অৱস্থাৰ সৃষ্টি হৈছে ।  

পৰিয়ালৰ লোকে আজি পৰ্যন্ত যুৱকজনৰ কোনো সন্ধান লাভ কৰা নাই । উপায়ন্তৰ হৈ পৰিয়ালৰ লোকে বামুনবাৰী আৰক্ষী চকী আৰু মৰাণ থানাত এজাহাৰ দাখিল কৰিছে। দৰিদ্ৰ পৰিয়ালটোৱে হানুক উদ্ধাৰৰ বাবে  ঘটনা সংঘটিত হোৱা স্থানলৈ যাবলৈ সক্ষম নহয় । সেয়ে অসহায় হৈ পৰিছে দৰিদ্ৰ পৰিয়ালটো । কোনো লোকে যদি যুৱক জনৰ সন্ধান পাই তেন্তে 6002555639 নাইবা 6002795040 যোগাযোগ কৰিবলৈ অনুৰোধ জনাইছে পৰিয়ালটোৱে ।

লগতে পঢ়ক:হিমন্ত বিশ্ব শৰ্মাৰ ৰাজনৈতিক অভিলাষ পূৰণৰ হাথিয়াৰ সমষ্টি পুনৰ নিৰ্ধাৰণ; লুৰীণজ্যোতি গগৈ