Operation against Drugs: বশিষ্ঠত ড্ৰাগছসহ আটক ব’ল বমলৈ অহা যুৱক

গুৱাহাটী, ৭ আগষ্ট: ড্ৰাগছ আসক্তৰে ভৰি পৰিছে বশিষ্ঠ মন্দিৰৰ চৌহদ । স্থানীয় ৰাইজ আৰু আৰক্ষীৰ তৎপৰতাত ব’ল ব’মত জব্দ হৈছে প্ৰতিদিনে বৃহৎ পৰিমাণৰ নিচাজাতীয় সামগ্ৰী । এতিয়া যেন প্ৰতিজন ভক্তৰ হাতে হাতে সুলভ হৈ পৰিছে মাৰাত্মক ড্ৰাগছ ৷ দেওবাৰে ব’ল ব’মৰ নিশাও শিৱ ভক্তৰ হাতৰ পৰা জব্দ কৰা হৈছে ড্ৰাগছ ৷

দেওবাৰে নিশা ড্ৰাগছসহ আটক কৰা শিৱ ভক্ত যুৱকজনৰ ঘৰ আমিনগাঁও মধ্যবস্তিত বুলি জানিব পৰা গৈছে ৷ অভিযুক্ত যুৱকজনে উল্লেখ কৰা অনুসৰি, তেওঁৰ কোনো সতীৰ্থই দি থৈ গৈছিল এই ড্ৰাগছখিনি ৷ কিন্তু সেয়া কিমান সত্য সেয়া আৰক্ষীৰ তদন্তৰ অন্ততহে পোহৰলৈ আহিব ৷

উল্লেখ যে, বিগত দেওবাৰেও জব্দ হৈছিল ড্ৰাগছসহ যুৱকৰ এটা গেং । একাংশৰ অভিযোগ, ব’ল ব’মৰ গৈইনা লৈ যেন এতিয়া ড্ৰাগছৰ মুকলি বেহা আৰু ড্ৰাগছ সেৱনৰ স্থান হৈ পৰিছে বশিষ্ঠ মন্দিৰৰ প্ৰাংগণ । এই ক্ষেত্ৰত এতিয়াই বিহীত ব্যৱস্থা গ্ৰহণ কৰিবলৈ আৰক্ষীক দাবী জনাইছে স্থানীয় ৰাইজে ৷

লগতে পঢ়ক : Sawan Sombar: ঐতিহাসিক গোভাৰজাৰ দেওশাল শিৱ মন্দিৰত হাজাৰ হাজাৰ ভক্তৰ সমাগম