Jonai boat accident: বিহু নাচিবলৈ গৈ প্ৰাণ হেৰুৱালে এগৰাকী মহিলাই

জোনাই, 24 এপ্ৰিল: জোনাইৰ চিয়াং নদীত দেওবাৰে সন্ধিয়া হঠাৎ অহা ধুমুহাত নাও ডুবি এগৰাকী মহিলাৰ কৰুণ মৃত্যু হয় । জানিব পৰা মতে দেওবাৰে দিনৰ ভাগত মুনমুনি চাপৰিত বিহু মাৰি আবেলি 5 বজাত এখন নাৱেৰে বুৰিয়া চাপৰিৰ মুঠ 8 গৰাকী বিহুৱা-বিহুৱতী দলে চিয়াং নদীখন পাৰ কৰিব লওঁতেই হঠাৎ অহা ধুমুহাৰ ফলত নাওখন নদীৰ মাজভাগত ডুব যায় । ফলত এগৰাকী মহিলা পানীত ডুবি মৃত্যু হোৱাৰ বিপৰীতে নাওখনত থকা বাকী ব্যক্তিসকলে সাঁতুৰি কোনোমতে জীৱন ৰক্ষা কৰে (Boat accident in Jonai) । 

নিশাই মৃত মহিলাগৰাকীৰ সৈতে লগত যোৱাসকলৰ প্ৰচেষ্টাত নদীৰ পৰা উদ্ধাৰ কৰা হয় মৃতদেহটো ৷ মৃত মহিলাগৰাকী বুৰিয়া চপৰিৰ গাঁৱৰ মালতী মুণ্ডা বুলি জানিবলৈ পৰা গৈছে । উল্লেখযোগ্য যে দুৰ্ঘটনাৰ খবৰ লাভ কৰাৰ পিচতে জোনাই SDRF বাহিনীয়ে দুৰ্ঘটনাস্থলীত উপস্থিত হয় (Boat accident at Chiang river) ৷ 

সোমবাৰৰ পুৱা মৃত মহিলাগৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধেমাজি অসামৰিক চিকিৎসালয়লৈ প্ৰেৰণ কৰা হয় (Dhemaji civil hospital) ৷

লগতে পঢ়ক : Amritpal Singh latest news : সিংহৰ দৰে আত্মসমৰ্পণ কৰিছে অমৃতপালে: মাতৃ