ৰহাত ৰে'লৰ খুন্দাত প্ৰাণ হেৰুৱালে মহিলাই

ৰহা,২১ নৱেম্বৰ : ৰহাৰ সৰাগাঁৱত মঙলবাৰে দুপৰীয়া সংঘটিত হয় এক কৰুণ ঘটনা । নগাঁও অভিমুখী কপিলী এক্সপ্ৰেছ ৰে'লৰ খুন্দাত নিহত এগৰাকী মহিলা । এই পৰ্যন্ত উদ্ধাৰ হোৱা নাই নিহত মহিলাগৰাকীক পৰিচয় । জানিব পৰা মতে প্ৰায় ৪৫ বছৰীয়া অচিনাক্ত মহিলাগৰাকীয়ে ৰহাৰ সৰাগাঁৱত ৰে'লপথ পাৰ হ'বলৈ লওতেই গুৱাহাটীৰ পৰা নগাঁও অভিমুখী কপিলী এক্সপ্ৰেছ ৰে'লখনে খুন্দা মাৰে ।  

ফলত থিতাতে মৃত্যু হয় মহিলাগৰাকীৰ । ঘটনা সংঘটিত হোৱাৰ পিছতে ঘটনাস্থলীত ৰহা আৰক্ষী আৰু ৰে'লৱে আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে নগাঁও অসামৰিক চিকিৎসালয়লৈ প্ৰেৰণৰ ব্যৱস্থা কৰিছে । উক্ত ঘটনাক কেন্দ্ৰ কৰি সমগ্ৰ অঞ্চলতে বিৰাজ কৰিছে তীব্ৰ চাঞ্চল্য ।  

লগতে পঢ়ক : ভয়ংকৰ পথ দুৰ্ঘটনা, এজন থিতাতে নিহত