হেলেমৰ কুৰুৱা পথাৰত বনৰীয়া হাতীৰ উপদ্ৰৱ

ৰাজ্যত বন্যহস্তীৰ তাণ্ডৱ অব্যাহত আছে (Wild elephant terror in Assam)। খাদ্যৰ সন্ধানত বনাঞ্চলৰ পৰা ওলাই অহা বন্যহস্তীয়ে প্ৰায়ে জনাঞ্চলত প্ৰৱেশ কৰি উপদ্ৰৱ চলোৱা দেখা যায় । যাৰ ফলস্বৰূপে হাতী মানুহৰ সংঘাতৰ সৃষ্টি হয় (Human elephant conflict)। বিশ্বনাথ জিলাৰ বিভিন্ন অঞ্চলত এই ধৰণৰ ঘটনা বৃদ্ধি পাইছে । যোৱা কেইবাদিনো ধৰি গহপুৰ হেলেমৰ কুৰুৱা পথাৰত বনৰীয়া হাতীয়ে উপদ্ৰৱ চলাই আছে । বনৰীয়া হাতীয়ে খেতি পথাৰৰ শস্য খোৱাৰ লগতে নষ্ট কৰিছে (Wild elephants are destroying crops)। নিশা হ'লেই বন্যহস্তীয়ে খেতিপথাৰত উপদ্ৰৱ চলায় । ৰাইজে অভিযোগ কৰা মতে কাজিৰঙাৰ ষষ্ঠ সংযোজনৰ দিশৰ পৰা খাদ্যৰ সন্ধানত ওলাই অহা প্ৰায় ৫০-৬০ জনীয়া বন্যহস্তীৰ জাকে কুৰুৱা পথাৰ, কুৰুৱাবস্তী, শান্তিপুৰ আদি অঞ্চলত প্ৰায়ে উপদ্ৰৱ চলাই আহিছে । সেয়ে সন্ধিয়া হ'লেই চিন্তিত হৈ পৰে অঞ্চলবাসী । বনৰীয়া হাতীৰ ভয়ে টোপনি কাঢ়িছে অঞ্চলটোৰ ৰাইজৰ । কিন্তু এই ক্ষেত্ৰত বন বিভাগে কোনো ব্যৱস্থা গ্ৰহণ নকৰাৰ অভিযোগ কৰিছে স্থানীয় লোকসকলে (Forest department failed to stop elephant menace)। সেয়ে সংবাদমাধ্যমৰ সন্মুখত ক্ষোভ প্ৰকাশ কৰিলে ভুক্তভোগী লোকসকলে ।