Parrot Celebrates Birthday : শিৱাৰ জন্মদিনৰ ভিডিঅ’ বিশেষভাৱে চৰ্চিত সামাজিক মাধ্য়মত

নিউজ ডেস্ক, 9 ফেব্ৰুৱাৰী : এবছৰীয়া হ’ল শিৱা ৷ শিৱাই এটা বছৰ সম্পূৰ্ণ কৰাৰ দিনটোত উলহ-মালহেৰে উদযাপন কৰা হ’ল জন্মদিন ৷ আটকধুনীয়া কেক এটাও কটা হ’ল শিৱাৰ জন্মদিন উপলক্ষে ৷

শিৱাৰ জন্মদিন উদযাপনৰ ভিডিঅ’ ইতিমধ্যে সামাজিক মাধ্যমত চৰ্চিত হৈ পৰিছে ৷ জন্মদিন উদযাপন সাধাৰণ কথা যদিও এই জন্মদিন উদযাপন বিশেষভাৱে চৰ্চিত হোৱাৰ লগতে ভিডিঅ’টোৱেও সমাদৰ লাভ কৰিছে ৷ কিয়নো শিৱা কোনো শিশু নহয় ৷ শিৱা হৈছে এটা ভাটোৰ নাম ৷  বিহাৰৰ গয়াত শিৱাৰ জন্মদিন উদযাপন কৰিলে শিৱাক লালন-পালন কৰি থকা পৰিয়ালটোৰ সদস্যসকলে (Parrot Celebrating Birthday in Gaya)৷

শিৱা নামৰ ভাটোটোৰ সৈতে আৱেগিকভাৱে বান্ধ খাই আছে মগধ বিশ্ববিদ্যালয়ৰ শাখা বিষয়া ড৹ অমৰনাথ পাঠকৰ পৰিয়ালটো ৷ বুধবাৰে শিৱাৰ এবছৰীয়া জন্মদিন উদযাপনৰ ভিডিঅ’টোত দেখা যায় যে পৰিয়ালৰ সদস্যসকলে ‘হেপ্পী বাৰ্থডে’ শিৱা’’ বুলি জন্মদিনৰ শুভেচ্ছা জনায় ৷ ইয়াৰ পাছতে আটকধুনীয়া কেকটো কটাৰ ব্যৱস্থা কৰা ৷ বাহৰ পৰা ওলাই শিৱাই এখন প্লাষ্টিকৰ চুৰীৰে কেটটো কাটে আৰু নিজেই অলপমান কেক খায় (Parrot Celebrating Birthday)৷

শিৱাৰ জন্মদিনৰ ভিডিঅ'টো সামাজিক মাধ্যমত পোষ্ট কৰি ড৹ অমৰনাথ পাঠকে লিখিল- ‘‘শিৱা আজি এবছৰীয়া হৈছে, শুভ জন্মদিন শিৱা ’’৷ একে সময়তে, পোষ্ট কৰা কিছুমান ফটোত পৰিয়ালৰ মহিলা সদস্যগৰাকীকো শিৱাৰ সৈতে দেখা গৈছে ৷ পোষ্ট কৰা ভিডিঅ'টো সম্প্ৰতি ভাইৰেল হৈ পৰিছে আৰু সামাজিক মাধ্যম ব্যৱহাৰকাৰীসকলে ভিডিঅ’টো যথেষ্ট উপভোগ কৰা পৰিলক্ষিত হৈছে (Parrot Birthday in Gaya)৷

লগতে পঢ়ক: 1 rupee Doctor: মাত্ৰ ১ টকাত চিকিৎসা সেৱা আগবঢ়াইছে এজন চিকিৎসকে