Body Found in Golaghat: মাণিকপুৰৰ ন বোৱাৰীক স্বামী পৰিয়ালে হত্যা কৰাৰ অভিযোগ

বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত ৫নং বাশবাৰীত এগৰাকী ন-বোৱাৰীৰ মৃত্যু ৷ মৃত বোৱাৰীগৰাকীৰ নাম ছালেমা খাতুন ৷ কিন্তু ছালেমা খাতুনৰ পৰিয়ালৰ অভিযোগ, এয়া মৃত্যু নহয় এয়া হত্যাকাণ্ডহে ৷ ঘটনাৰ বিৱৰণী অনুসৰি, ডেৰ বছৰ পূৰ্বে গনবিন্যা গাঁৱৰ ছালেমা খাতুন বিবাহপাশত আৱদ্ধ হৈছিল ৫নং বাশবাৰীৰ আশাদুল ইছলামৰ লগত ৷ বিবাহৰ পিছতেই স্বামী পৰিয়ালে ন-বোৱাৰীক লৈ গোলাঘাটলৈ ঢাপলি মেলে ৷ তাৰ পিছত ছালেমা খাতুনক ৰঙামাটি DBF ইটা ভাটাত কাম কৰিবলৈ লগাই দিয়ে স্বামী পৰিয়ালে । যোৱা শুকুবাৰে বোৱাৰীগৰাকীৰ ইটা ভাটাত কাম কৰি অৱস্থাতে অৱস্থাত মৃত্যু হয় (Body Found in Brick quarries in Golaghat) ৷ কিন্তু এই মৃত্যু সহজভাৱে ল’ব পৰা নাই মৃত বোৱাৰীগৰাকীৰ পিতৃগৃহই ৷ ইটা ভাটাত স্বামী পৰিয়ালে মৰিয়াই মৰিয়াই হত্যা কৰি আত্মহত্যাৰ ৰূপ দিয়াৰ চেষ্টা কৰিছে বুলি অভিযোগ উত্থাপন কৰে বোৱাৰী গৰাকীৰ পিতৃয়ে (Husband killed wife in Manikpur) । ইফালে মৃতদেহৰ মৰণোত্তৰ পৰীক্ষাৰ পিছত ঘৰলৈ পঠিয়াই দি দায়িত্ব সামৰে ইটা ভাটা কৰ্তৃপক্ষই । ঘটনা সংক্ৰান্তত দেৰগাঁও আৰক্ষী থানাত এজাহাৰ দাখিল কৰা হৈছে ।