Mihirjyoti Baruah passes away: অভিনেতা মিহিৰজ্যোতি বৰুৱাৰ দেহাৱসান

গুৱাহাটী, ৯ মে': বিশিষ্ট অভিনেতা মিহিৰজ্যোতি বৰুৱাৰ দেহাৱসান (Veteran actor Mihirjyoti Baruah passes away) । ২৪ ফেব্ৰুৱাৰীৰ পৰা মহানগৰীৰ হেলথ চিটি হাস্পাতালত চিকিৎসাধীন হৈ আছিল অভিনেতাগৰাকী । মঙলবাৰে দিনৰ ২:২৫ বজাত দেহাৱসান ঘটে মিহিৰজ্যোতি বৰুৱাৰ । মধুমেহ আৰু উচ্চৰক্ত চাপ জনিত ৰোগত ভৰ্তি কৰা হৈছিল চিকিৎসালয়ত ।  

পৰৱৰ্তী সময়ত বৃক্কজনিত ৰোগত আক্ৰান্ত হয় প্ৰবীণ অভিনেতাগৰাকী । বৃক্ক বিকল হৈ মৃত্যু মুখত পৰে বিশিষ্ট অভিনেতা মিহিৰজ্যোতি বৰুৱা (Mihirjyoti Baruah no more) । প্ৰায় ৭৫ দিন ধৰি চিকিৎসাধীন হৈ আছিল চিকিৎসালয়ত । মৃত্যুৰ সময়ত অভিনেতা গৰাকীৰ বয়স আছিল ৫৮ বছৰ । চিকিৎসক পল্লৱী বৰদলৈ, মায়াংক আগৰৱাল আৰু ব্ৰজেন লহকৰৰ তত্বাৱধানত চলিছিল চিকিৎসা । বুধবাৰে চিকিৎসালয়ৰ পৰা মৃতদেহ নিয়া হ’ব গোলাঘাটৰ ঘৰলৈ ।

অসমৰ অভিনয় জগতলৈ অনবদ্য অৱদান আগবঢ়াই থৈ গৈছে অভিনেতাগৰাকীয়ে । বহু বোলছবি তথা ধাৰাবাহিকত সুদক্ষ অভিনয়ৰে অসমৰ দৰ্শকৰ মন জয় কৰিছিল বৰুৱাই । ইয়াৰ উপৰিও ভ্ৰাম্যমাণ মঞ্চতো দক্ষ অভিনয়ে দৰ্শকৰ মনত সাচ বহুৱাবলৈ সক্ষম হৈছিল প্ৰয়াত অভিনেতা মিহিৰজ্যোতি বৰুৱাই (Veteran Theatre actor Mihirjyoti Baruah no more) ।  

লগতে পঢ়ক: Crime against Women: বৰ্ধিত নাৰীজনিত অপৰাধৰ ন্যায় বিচাৰি স্মাৰক পত্ৰ প্ৰদান অসম তৃণমূল মহিলা কংগ্ৰেছৰ