Pranabjit Chaliha passes away : সংগ্ৰামী নেতা প্ৰণৱজিৎ চলিহাৰ মৃত্যুত শোক প্ৰকাশ আলফা স্বাধীনৰ

শিৱসাগৰ, 15 ছেপ্টেম্বৰ : বুধবাৰে সমগ্ৰ ৰাজ্যবাসীক কন্দুৱাই মৃত্যু হয় জাতীয়বাদী সংগ্ৰামী নেতা প্ৰণৱজিৎ চলিহাৰ ৷ ৰাজ্যিক মৰ্যাদাৰে শেষকৃত সম্পন্ন হয় জাতীয়তাবাদী নেতা ৰমু চলিহা হিচাপে পৰিচিত প্ৰণৱজিৎ চলিহাৰ ৷ প্ৰণৱজিৎ চলিহাৰ অন্তিম যাত্ৰাৰ সাক্ষী হ'বলৈ ভিৰ কৰে বিভিন্ন জাতীয়, ৰাজনৈতিক, সামাজিক, সাংস্কৃতিক, চৰকাৰী, বেচৰকাৰী প্ৰতিষ্ঠান, শিক্ষানুষ্ঠানৰ ব্যক্তিয়ে ৷  

ইতিমধ্যে জাতীয়বাদী নেতাজনৰ মৃত্যুত শোক প্ৰকাশ কৰিছে ৰাজ্যৰ বিভিন্ন দল-সংগঠন, ব্যক্তিয়ে ৷ জাতীয়তাবাদী নেতা ৰমু চলিহা হিচাপে পৰিচিত প্ৰণৱজিৎ চলিহাৰ মৃত্যুত শোক প্ৰকাশ কৰিছে আলফা স্বাধীনৰ মুখ্য সেনাধ্যক্ষ পৰেশ বৰুৱাই ৷ ৰমু চলিহাৰ পৰিয়াললৈ পৰেশ বৰুৱাৰ ফোন ৷ ৰমু চলিহাৰ পুত্ৰ শৃংখল চলিহাৰ সৈতে পৰেশ বৰুৱাৰ বাৰ্তালাপ ৷  

ৰমু চলিহাৰ মৃত্যুত গভীৰ শোক প্ৰকাশ পৰেশ বৰুৱাৰ ৷ ৰমু চলিহা অদম্য সাহসী আছিল বুলি বাৰ্তালাপত পৰেশ বৰুৱাই উল্লেখ কৰে বুলি কয় শৃংখল চলিহাই ৷ আনহাতে শুকুৰবাৰে আলফা স্বাধীনৰ তৰফৰ পৰা ৰমু চলিহাৰ বিয়োগত এক শোকবাৰ্তা পৰিয়াললৈ প্ৰেৰণ কৰে ৷

লগতে পঢ়ক : Sattriya artist felicitated:সত্ৰীয়া শিল্পী মনোজ কুমাৰ দাসক সম্বৰ্ধনা