Two Minor Girls Missing From Mangaldoi: মঙলদৈৰ বৰকলাত দুই কিশোৰী নিৰুদ্দেশ

মঙলদৈ,11 জুলাই: মঙলদৈৰ বৰকলা গাঁৱত চাঞ্চল্যকৰ ঘটনা ৷ একেটা পৰিয়ালৰ পৰা দুগৰাকীকৈ কিশোৰী নিৰুদ্দেশৰ ঘটনা সংঘটিত হৈছে ৷ দেওবাৰে সন্ধিয়া ঘৰত কোনো লোক নথকাৰ সুযোগ বুজি কোনো দুষ্ট চক্ৰই প্ৰলোভনেৰে কুখ্যাত স্থানলৈ লৈ যোৱাৰ সন্দেহ কৰিছে ৰাইজে । দেওবাৰৰ পৰা নিৰুদ্দেশ ১৭ বছৰীয়া আৰু ১৪ বছৰীয়া দুই কিশোৰীৰ সন্ধানত হাবাথুৰি খাইছে পৰিয়ালৰ লোকে ৷ 

দুই কিশোৰী নিৰুদ্দেশৰ পাচতে গাঁৱখনৰে পুতুল আলি নামৰ লোকজনৰ ওপৰত সন্দেহ প্ৰকাশ কৰিছে পৰিয়ালৰ লোকে ৷ উল্লেখ্য যে পুতুল আলি নামৰ ব্যক্তিগৰাকীয়ে দুই কিশোৰীক বিভিন্ন ধৰণৰ হাৰাশাস্তি প্ৰদান কৰাৰ অভিযোগ ৷ আনহাতে পুতুল আলিয়ে দুয়োগৰাকী কিশোৰীক কোনো অজ্ঞাত স্থানত লুকুৱাই ৰখা বা বহিঃৰাজ্যত বিক্ৰীৰ সন্দেহ প্ৰকাশ কৰিছে পৰিয়ালৰ লোকে । অৱশ্যে পুতুল আলি বৰ্তমানেও পলাতক হৈ আছে ৷ সমগ্ৰ ঘটনাৰ সন্দৰ্ভত পৰিয়ালৰ লোকে কলাইগাওঁ থানাত এজাহাৰ দাখিল কৰিছে ৷ সন্ধানহীন দুই কিশোৰীৰ পৰিয়ালৰ এজাহাৰৰ ভিত্তিত তদন্ত আৰম্ভ কৰিছে কলাইগাঁও আকক্ষীয়ে ৷ 

লগতে পঢ়ক:Police arrested SI in Darrang : কৰ্তব্যত গাফিলতিৰ অভিযোগত আৰক্ষীৰ হাতত গ্ৰেপ্তাৰ আৰক্ষী বিষয়া