Thief escapes from police vehicle: অসম আৰক্ষীৰ স্মাৰ্ট ৰূপৰ উদাহৰণ ৰহা আৰক্ষী !

নগাঁও, 31 মাৰ্চ : ৰহাত সংঘটিত হৈছে এক চাঞ্চল্যকৰ ঘটনা ৷ আৰক্ষীৰ বাহনৰ পৰাই পলায়নৰ চেষ্টা কৰিলে এটা চোৰে (Thief escapes from police vehicle) ৷ ঘটনাটো প্ৰত্যক্ষ কৰি সেই স্থানত উপস্থিত লোকে খেদি খেদি পথাৰৰ মাজত ধৰিলেগৈ চোৰটো ৷

জানিব পৰা মতে, ৰহা উচ্চতৰ মাধ্যমিক বিদ্যালয়ৰ সন্মুখত আৰক্ষীৰ বাহনৰ পৰাই পলোৱাৰ চেষ্টা চলালে এটা ম’বাইল চোৰে । প্ৰাপ্ত তথ্যমতে বৃহস্পতিবাৰে ৰহা আৰক্ষীয়ে চোৰটোক মেডিকেল কৰাবৰ বাবে আনি থকা অৱস্থাতে ৰহা উচ্চতৰ মাধ্যমিক বিদ্যালয়ৰ সন্মুখত আৰক্ষীৰ বাহনৰ পৰা জপিয়াই পলাবলে চেষ্টা কৰে ৷ 

চোৰটো পলোৱা দেখি আৰক্ষীৰ লগতে সেইসময়ত ৰহা উচ্চতৰ মাধ্যমিক বিদ্যালয়ৰ সন্মুখত উপস্থিত থকা কেইবাগৰাকীও স্থানীয়লোকে খেদি খেদি ৰহা উচ্চতৰ মাধ্যমিক বিদ্যালয়ৰ সমীপৰ পথাৰৰ পৰা চোৰটোক ধৰিবলৈ সক্ষম হয় ৷

লগতে পঢ়ক : Women Worker Injured: কৰ্তব্যৰত অৱস্থাত কলঘৰৰ পৰা পৰি গুৰুতৰভাৱে আঘাতপ্ৰাপ্ত মহিলা শ্ৰমিক