Crime in Nalbari: নলবাৰীৰ শনি ৰোডত গভাইত চোৰ আটক ৰাইজৰ

নলবাৰী, 6 আগষ্ট : নলবাৰী জিলাৰ মুকালমুৱাৰ শনি ৰোডত সংঘটিত হয় এক চুৰিকাণ্ড ৷ শনি ৰোডৰ ছাদেক আলী নামৰ লোক এজনৰ পান দোকানৰ পৰা আনুমানিক ৪-৫ হাজাৰ টকা চুৰি কৰি পলায়ন কৰোঁতে চোৰটোক খেদি খেদি আটক কৰে ৰাইজে ৷  

চোৰটোৱে পান দোকানৰ বাকচৰ পৰা টকাখিনি লৈ পলায়নৰ চেষ্টা কৰিছিল ৷ চোৰটোক ধৰি ৰাইজে মুকালমুৱা আৰক্ষীক খবৰ দিয়ে ৷ পৰৱৰ্তী সময়ত মুকালমুৱা আৰক্ষী ঘটনাস্থলীত উপস্থিত হৈ চোৰটোক আটক কৰি থানালৈ লৈ যায় ৷

ধৃত চোৰটোৰ ঘৰ মুকালমুৱাত বুলি জানিব পৰা গৈছে ৷ বিভিন্ন সময়ত অঞ্চলটোত চুৰি কাৰ্য চলাই অহাৰ অভিযোগ কৰি কৰায়ত্ত কৰা চোৰটোৰ বিৰুদ্ধে প্ৰশাসনে উচিত ব্যৱস্থা গ্ৰহণ কৰাৰ দাবী জনায় ৰাইজে ৷

লগতে পঢ়ক : Kokrajhar Moral Policing: কোকৰাঝাৰত মৰেল পুলিচিঙত জড়িত ২ অভিযুক্তক গ্ৰেপ্তাৰ