Theft incident : আৰক্ষীৰ নাকৰ তলেৰে চোৰৰ চাফাই অভিযান

ধেমাজি, 3 জুলাই : ধেমাজি নগৰৰ মাজমজিয়াত দিন দুপৰতে চোৰৰ চাফাই অভিযান ৷ 3 নং ৱাৰ্ডৰ ৰাঠী নগৰ তথা ৰূপকোঁৱৰ জ্যোতিপ্ৰসাদ আগৰৱালা ভৱনৰ সন্মুখত চোৰে লুটি নিলে প্ৰায় 25 তোলা সোণৰ সামগ্ৰী লগতে নগদ প্ৰায় 4 লাখ 50 হাজাৰ টকাসহ 2 কেজি ৰূপ ৷ ভেন্টিলেটৰ ভাঙি ভিতৰলৈ সোমাই আলমীৰা ভাঙি সকলো আ-অলংকাৰ সহ নগদ টকা লৈ যায় চোৰে ৷ গৃহস্থৰ ঘৰত নথকাৰ সুযোগ লৈ চোৰে সংঘটিত কৰে এই চুৰি কাৰ্য ৷  

উল্লেখ্য যে, যোৱা কিছুদিন ধৰি ধেমাজিত এনেদৰে দিন দুপৰতে সংঘটিত হৈছে কেইবাটাও চুৰিকাণ্ড ৷ বিগত কেইদিনমানৰ ভিতৰত এনেধৰণৰ প্ৰায় 10 টাকৈ চুৰিকাণ্ড সংঘটিত হৈছে ৷ ভুক্তভোগী পৰিয়ালটোৱে ধেমাজি সদৰ থানাত ঘটনা সন্দৰ্ভত এজাহাৰ দাখিল কৰিছে যদিও বৰ্তমানলৈকে আৰক্ষীয়ে কোনো লোককে কৰায়ত্ত কৰিবলৈ সক্ষম হোৱা নাই ৷ 

লগতে পঢ়ক: Crime in Nagaon:নিশা কচুৱাত বৰযাত্ৰীৰ ওপৰত দুৰ্বৃত্তৰ আক্ৰমণ