Teok drama group ranked: ভাৰতৰ শীৰ্ষ 10 টা দলৰ ভিতৰত স্থান লাভ টীয়কৰ নাট্যদলৰ

বিজ্ঞান ভিত্তিক নাটকৰ জৰিয়তে ৰাষ্ট্ৰীয় পৰ্যায়ত উজলিছে টীয়কৰ এখন চৰকাৰী বিদ্যালয় ৷ ক্ৰমাৎ যেন ৰাজ্যত সলনি হৈছে চৰকাৰী বিদ্যালয়ৰ পৰিৱেশ ৷ ৰাষ্ট্ৰীয় পৰ্যায়ত ইটোৰ পাছত সিটো সফলতা আজুৰিছে চৰকাৰী বিদ্যালয়ৰ ছাত্ৰ-ছাত্ৰীয়ে (Teok drama group ranked among top 10)৷ শেহতীয়াকৈ টীয়কৰ চন্দ্ৰকমল বেজবৰুৱা উচ্চ মাধ্যমিক বিদ্যালয়ে (Chandrakamal Bezbaruah Higher Secondary School) বিজ্ঞান ভিত্তিক নাটকৰ জৰিয়তে সকলোৰে দৃষ্টি আকৰ্ষণ কৰিছে ৷ সমগ্ৰ অসমৰ ভিতৰতে শ্ৰেষ্ঠত্ব অৰ্জন কৰা তথা বিজ্ঞান চৰ্চাত বিশেষ দখল থকা এইখন বিদ্যালয়ে বাংগালুৰৰত অনুষ্ঠিত হ'বলগীয়া ৰাষ্ট্ৰীয় পৰ্যায়ৰ বিজ্ঞান ভিত্তিক নাট সমাৰোহলৈও (National Level Science based Drama Festival) আমন্ত্ৰিত হৈছে ৷ উল্লেখযোগ্য যে ইতিমধ্যে এই বিদ্যালয়খনৰ ছাত্ৰ ছাত্ৰীসকলে পুথিগত শিক্ষাৰ সমান্তৰালকৈ সাহিত্য, গীত, কবিতা খেলা-ধূলা আদি বিষয়ত পাৰদৰ্শিতা প্ৰদৰ্শন কৰি নাম উজলাইছে ৷ ইপিনে গণিত বিষয়ত বিশেষ সফলতা প্ৰদৰ্শন কৰি জ্ঞান কি ৰৌছনি (Gyan ki Roshni)শীৰ্ষক ৰাজ্যিক স্বীকৃতিও লাভ কৰি গৌৰৱ কঢ়িয়াই আনিছে বিদ্যালয়খনৰ ছাত্ৰ-ছাত্ৰীসকলে ৷