সামৰণি পৰিল শ্বহীদ বীৰচা মুণ্ডা সোঁৱৰণী ফুটবল প্ৰতিযোগিতাৰ

বিহালী চাহ বাগিচা ক্ৰীড়া সন্থাৰ উদ্যোগত বিহালী চাহ বাগিচা খেলপথাৰত বিগত ২৮ আগষ্টৰ পৰা অনুষ্ঠিত হৈ থকা প্ৰথম বাৰ্ষিক শ্বহীদ বীৰ বীৰছা মুণ্ডা সোঁৱৰণী সদৌ অসম আমন্ত্ৰণমূলক ফুটবল প্ৰতিযোগিতাৰ ফাইনেল খেলখন ৰবিবাৰে অনুষ্ঠিত হৈ যায়(Swahid Bir Birsa Munda Memorial Invitational Football Tournament)৷ ফাইনেল খেলখনত কোকৰাঝাৰ শালবাগান দলে গোৱালপাৰা ফুটবল দলক সামগ্ৰিকভাৱে ৫ - ৩ গলত পৰাজিত কৰি চূড়ান্ত বিজয়ী হয় । খেলখনৰ প্ৰথমাৰ্ধৰ তিনি মিনিটত গোৱালপাৰা দলৰ ধিৰসিঙে গল দি অগ্ৰগতি লাভ কৰিছিল যদিও সেই অৰ্ধৰে ২৬ মিনিটত শালবাগান দলৰ দিউমালাই গল দি সমতা স্থাপন কৰে । নিৰ্দিষ্ট সময়ত খেলখন ড্ৰ হোৱাত পৰিচালকে ট্ৰাইবেকাৰৰ সহায় লোৱাত ৪-২ অৰ্থাৎ ৫-৩ গলত শালবাগান দল বিজয়ী হৈ শ্বহীদ বীৰ বীৰছা মুণ্ডা সোঁৱৰণী ট্ৰফি লাভ কৰে । ফাইনেল খেলৰ শ্ৰেষ্ঠ খেলুৱৈ বটাঁ লাভ কৰে শালবাগান দলৰ হৰ্ষিত ৰাভাই, আনহাতে প্ৰতিযোগিতাৰ শ্ৰেষ্ঠ খেলুৱৈ আৰু শ্ৰেষ্ঠ গলকিপাৰ বটাঁ লাভ কৰে শালবাগান দলৰ ক্ৰমে বুধিৰাম টুডু আৰু পাউথান ব্ৰহ্মই ।