Student died at Kaliabar : এম জি এনৰেগা আঁচনিৰ ফলক ভাঙি কলিয়াবৰৰ বিদ্যালয়ত নিহত ছাত্ৰী

কলিয়াবৰ, 5 মে’ : কলিয়াবৰৰ 2 নং বৰঘূলী বালিকা মোক্তাব বিদ্যালয়ত অঘটন । প্ৰতিদিনাৰ দৰে বৃহস্পতিবাৰেও স্কুললৈ আহিছিল ছাহজাহাতুল মুনতাহা ৷ বিদ্যালয়ৰ জিৰণিৰ সময়ত ছাহজাহাতুল মুনতাহাই সমনীয়াৰ সৈতে খেলি আছিল ৷ তেনে সময়তে সংঘটিত হয় এক অঘটন (Student died at 2nd Barghuli Balika Moktab School)৷

হঠাৎ পশ্চিম কলিয়াবৰ উন্নয়নখণ্ডৰ অধীনৰ বৰঘূলি গাঁও পঞ্চায়তৰ এম জি এনৰেগা আঁচনিৰ ফলক ভাঙি ছাহজাহাতুল মুনতাহাৰ মূৰত পৰে ৷ ফলত থিতাতে নিহত হয় দ্বিতীয় শ্ৰেণীত অধ্যয়নৰত 8 বছৰীয়া ছাহজাহাতুল মুনতাহা (Student died at Kaliabar) ৷ ঘটনাক কেন্দ্ৰ কৰি অঞ্চলটোত সৃষ্টি হয় তীব্ৰ প্ৰতিক্ৰিয়া ৷ ইফালে এই ঘটনা সংঘটিত হোৱাৰ পাচতে ঘটনাস্থলীৰ পৰা পলায়ন কৰে বিদ্যালয়খনৰ প্ৰধান শিক্ষক আজগৰ আলীসহ শিক্ষকসকল ৷

আনকি বিদ্যালয়খনৰ প্ৰধান শিক্ষকগৰাকীৰৰ গাফিলতিৰ বাবেই এই ঘটনা সংঘটিত হোৱা বুলি অভিযোগ উত্থাপন কৰে স্থানীয় ৰাইজে ৷ এই ঘটনা সংঘটিত হোৱাৰ পাচতে ঘটনাস্থলীত আৰক্ষী উপস্থিত হৈ ঘটনা সন্দৰ্ভত আৰম্ভ কৰে তদন্ত ৷

লগতে পঢ়ক : Margherita Rape and murder case update : আৰক্ষীৰ গুলীত পংগু হ’ল মাৰ্ঘেৰিটাকাণ্ডৰ মাষ্টাৰ মাইণ্ড আনন তাঁতী