Murder in Dalgaon: জোঁৱাইৰ ঘাপত প্ৰাণ হেৰুৱালে শহুৰে

দলগাঁও,১০ মে': দলগাঁৱত সংঘটিত হৈছে চাঞ্চল্যকৰ ঘটনা (Murder in Dalgaon) । শহুৰেককৰ চোকা অস্ত্ৰৰে ঘপিয়াই হত্যা কৰিলে জোঁৱাই শ্বহিদুল কাজীয়ে । অভিযোগ অনুসৰি - সুৰুজ আলী নামৰ ব্যক্তিজনে নিশা ব্যৱসায়ীক প্ৰতিষ্ঠানৰ পৰা ওভতাৰ সময়ত দলগাঁৱৰ মিলন চ'কত ছুৰিৰে ঘপিয়াই জোঁৱাইয়েক শ্বহিদুল কাজীয়ে । ফলত গুৰুতৰভাবে আহত হয় ব্যৱসায়ী সুৰুজ আলী (Son-in-law killed his father-in-law in Dalgaon) ।  

ঘটনাস্থলীত দলগাঁও আৰক্ষী উপস্থিত হৈ পৰিস্থিতি নিয়ন্ত্ৰণ কৰি লোকজনক চিকিৎসালয়লৈ প্ৰেৰণ কৰে যদিও পথতে মৃত্যু হয় সুৰুজ আলীৰ । উল্লেখযোগ্য যে, প্ৰায় তিনি বছৰ আগতে সুৰুজ আলীৰ নাবালিকা কন্যাক অপহৰণ কৰি জোৰ-জবস্তিৰে বিয়া পাতিছিল শ্বহিদুল ইছলামে । তাৰ পিছৰে পৰা নিজ পত্নীক শাৰীৰিক-মানসিক নিৰ্যাতন চলাই থকাৰ অভিযোগ উত্থাপন হৈছিল (Father-in-law murderer arrested) ।  

শেহতীয়াভাৱে সুৰুজ আলীৰ কন্যাই নিজ পিতৃৰ ঘৰলৈ আহিছিল আৰু স্বামী গৃহলৈ উভতি যাবলৈ অমান্তি হৈ আইনীভাবে বিবাহ বিচ্ছেদ কৰে । তাৰ পিছতে জোঁৱাই শ্বহিদুল কাজীয়ে শহুৰৰ সমগ্ৰ পৰিয়ালক হত্যাৰ ভাবুকি দিয়ে । অৱশেষত মঙলবাৰে নিশা সংঘটিত কৰে এই অপকাণ্ডটো । হত্যাকাণ্ড সংঘটিত কৰি জোঁৱাই শ্বহিদুলে পলায়ন কৰে যদিও এজাহাৰ দাখিলৰ পিছতে দলগাঁও আৰক্ষীৰ লগতে দৰঙৰ শীৰ্ষ আৰক্ষীৰ তাৎক্ষণিক অভিযানত ঢেকিয়াজুলিৰ পৰা মাজনিশা গ্ৰেপ্তাৰ হয় হত্যাকাৰীটোক । 

লগতে পঢ়ক: Stranded in Manipur : মণিপুৰত আৱদ্ধ লোকৰ বাবে হেল্পলাইন নম্বৰ মুকলি মাজুলী প্ৰশাসনৰ