Share Market Trading Academy:বিহপুৰীয়াত শ্বেয়াৰ মাৰ্কেট ট্ৰেডিং একাডেমী উদ্বোধন

বিহপুৰীয়া, ১৮ ছেপ্টেম্বৰ : উত্তৰ অসমৰ প্ৰথমখন শ্বেয়াৰ মাৰ্কেট ট্ৰেডিং একাডেমীৰ সোমবাৰে শুভাৰম্ভ কৰা হয় । লখিমপুৰ জিলাৰ বিহপুৰীয়া নগৰৰ ৯ নং ৱাৰ্ডৰ বিহপুৰীয়া ক্ৰীড়া সন্থাৰ খেলপথাৰৰ সমীপৰ জোনাকী কাৰেং নামৰ ব্যৱসায় প্ৰতিষ্ঠানত আৰম্ভ হৈছে এই শ্বেয়াৰ মাৰ্কেট ট্ৰেডিং একাডেমী । শিক্ষাবিদ প্ৰবীণ বৰাৰ পৃষ্ঠপোষকতাত আৰু বিহপুৰীয়াৰ উদীয়মান যুৱক দুষ্মন্ত হাজৰিকাৰ তত্বাৱধানত আৰম্ভ হৈছে এই একাডেমীখন ৷  

নৱ প্ৰজন্মক শ্বেয়াৰ মাৰ্কেটৰ প্ৰতি আকৰ্ষিত কৰি আত্মনিৰ্ভৰশীল হ'ব পৰাকৈ এই একাডেমীত প্ৰশিক্ষণ প্ৰদান কৰা হ'ব ৷ নৱ প্ৰজন্মৰ লগতে মহিলা পুৰুষ নিৰ্বশেষে বয়সস্থ ব্যক্তি সকলকো এই প্ৰশিক্ষণ প্ৰদান কৰা হ'ব ৷ এই ট্ৰেডিং একাডেমীৰ আজি পুৱা শুভাৰম্ভ কৰে বিহপুৰীয়াৰ প্ৰাক্তন বিধায়ক দেবানন্দ হাজৰিকাই ৷ একাডেমীৰ আহ্বায়ক দুষ্মন্ত হাজৰিকাই আঁতধৰা অনুষ্ঠানটোত বিহপুৰীয়াৰ কেইবাগৰাকী বিশিষ্ট ব্যক্তিয়ে অংশগ্ৰহণ কৰি শুভেচ্ছামূলক বক্তব্য আগবঢ়াই  ৷

লগতে পঢ়ক:Court notice to Assam CM: ৰাহুল গান্ধীৰ বিৰুদ্ধে কটু মন্তব্য; মুখ্যমন্ত্ৰী হিমন্ত বিশ্ব শৰ্মাক আদালতৰ চমন জাৰি