উৰুকাৰ নিশা লখিমপুৰত পথ দুৰ্ঘটনা, এজনৰ মৃত্যু

লখিমপুৰ, 15 জানুৱাৰী: উৰুকাৰ নিশা লখিমপুৰৰ বান্দৰদেৱাত সংঘটিত হয় এক ভয়ংকৰ পথ দুৰ্ঘটনা । নিয়ন্ত্ৰণ হেৰুৱাই এখন মালবাহী বাহন সোমাল দ খাৱৈত ৷ বাহনখনত থকা 18 জন লোক গুৰুতৰভাবে আহত হয় বুলি জানিব পৰা গৈছে । দুৰ্ঘটনাটোত আহতসকলক নিশাই ভৰ্তি কৰোৱা হয় লালুক মডেল হাস্পতালত । 

ইতিমধ্যে আহতসকলৰ এজনৰ মৃত্যু হৈছে বুলি জানিব পৰা গৈছে । মৃত লোকজন বিহাৰৰ পৰমা লাল বুলি চিনাক্ত কৰা হয় । উল্লেখ্য যে, বাহনখনত থকা সকলো লোক বিহাৰৰ বুলি জানিব পৰা গৈছে । তেওঁলোকে বিহপুৰীয়াত কাম কৰি বান্দৰদেৱালৈ বুলি আহি থাকোতে গাড়ীখন দুৰ্ঘটনাত পতিত হয় ।

উল্লেখ্য যে, ঘন কুঁৱলীৰ বাবে দুৰ্ঘটনাটো সংঘটিত হোৱা বুলি ধাৰণা কৰা হৈছে । যোৱা কেইদিনমানৰ পৰা লখিমপুৰত শীতৰ প্ৰকোপ বৃদ্ধি হোৱাৰ সমানে কুঁৱলীৰ আস্বাদন বৃদ্ধি পাইছে । যাৰ বাবে এনে ধৰণৰ দুৰ্ঘটনাৰ মাত্ৰা বৃদ্ধি হৈছে বুলি স্থানীয় লোকে জনায় ৷

লগতে পঢ়ক: অজ্ঞাত বাহনে মহতিয়ালে দুখন বাইক, পিতা-পুত্ৰসহ তিনিজনৰ মৃত্যু