Murder in Sonari: সোণাৰিত ভাতৃৰ হাততে প্ৰাণ গ'ল জ্যেষ্ঠ ভাতৃৰ

মৰাণ, ১৫ নৱেম্বৰ: চৰাইদেউ জিলাৰ সোণাৰিত সংঘটিত হৈছে এক নৃশংস হত্যাকাণ্ড । সোণাৰিৰ টিয়ক বঙালী গাঁৱত গৃহ কণ্ডলৰ পৰিণতিত সংঘটিত হ'ল এই হত্যাকাণ্ড । উল্লেখ্য় যে মঙলবাৰে নিশা নিজ ভাতৃয়ে শিলেৰে খুন্দিয়াই আহত কৰিছিল জ্যেষ্ঠ ভাতৃ অমিত বাণিক দাসক । শিলেৰে খুন্দিয়াই দিয়াত ভৰিৰ লগতে দেহৰ অন্য ঠাইত আঘাত পাইছিল । পিচত তেওঁক চিকিৎসালয়লৈ নিয়াত চিকিৎসকে বেণ্ডেজ কৰি ঘৰলৈ পঠিয়াই দিয়ে ।  

অমিত বাণিক দাসৰ পৰিয়ালৰ লোকে এই সন্দৰ্ভত উল্লেখ কৰি কয় যে নিশাটোত যথেষ্ট পৰিমাণে ৰক্তক্ষৰণ হোৱাত আজি মৃত্যু হয় অমিত বাণিক দাসৰ । ঘটনাৰ পাছতেই আজি নৃশংস হত্যাকাণ্ড সংঘটিত কৰা বল বাণিক দাসক আটক কৰিলে সোণাৰি আৰক্ষীয়ে । এই ঘটনাটোৱে অঞ্চলটোত শোকৰ ছাঁ পেলাইছে ।

লগতে পঢ়ক:Pijush Hazarika criticizes Karnataka-Kerala govt: সুৰা-পেট্ৰ’লৰ দামক লৈ কেৰালা-কৰ্ণাটক চৰকাৰক কটাক্ষ মন্ত্ৰী পীযুষ হাজৰীকাৰ