Sarbananda Sonowal: গুৰুৰ কৃপা থাকিলে নিষ্ঠাৰে সেৱা আগবঢ়াব পাৰি; সৰ্বানন্দ সোণোৱাল

বৰপেটা, ২৭ আগষ্ট: কেন্দ্ৰীয় জাহাজ, আয়ুষ মন্ত্ৰী সৰ্বানন্দ সোণোৱাল দেওবাৰে বৰপেটা জিলাৰ সৰ্থেবাৰীৰ সমীপৰ নসত্ৰস্থিত কৃষ্ণগুৰু সেৱাশ্ৰমত উপস্থিত হয় । বিয়লি সেৱাশ্ৰমখনত উপস্থিত হৈ কেন্দ্ৰীয় মন্ত্ৰীগৰাকীয়ে কৃষ্ণগুৰুৰ পৰম্পৰা অনুসৰি প্ৰথমতে এক নাম জপ কৰে । তাৰ পাছত প্ৰয়াত কৃষ্ণগুৰুৰ সমাধিস্থললৈ গৈ সেৱা জনাই মূল কীৰ্তন ঘৰত উপস্থিত হৈ কীৰ্তন কৰে ।  

কৃষ্ণগুৰু সেৱাশ্ৰমত উপস্থিত হোৱাৰ সন্দৰ্ভত সোণোৱালে কয় যে পূৰ্বৰ দৰে আজিও তেওঁ গুৰুৰ ঘৰলৈ আহিছে । গুৰুৰ ঘৰলৈ আহিলে মনলৈ প্ৰশান্তি আহে । গুৰুৰ কৃপা থাকিলে মানৱ সমাজলৈ নিষ্ঠাৰে সেৱা আগবঢ়াব পাৰি । গুৰুৱে জীৱন পৰিচালিত কৰে ।

তেওঁ পুনৰ কয় যে গুৰুৱে দেখুৱাই দিয়া বাটেৰে আগবাঢ়িলে সততাৰে জীৱনৰ পথত আগবঢ়াৰ শক্তি আহৰণ কৰিব পাৰি । সোণোৱালে সেৱাশ্ৰমখনৰ বৰ্তমানৰ অৱস্থাৰো বুজ লয় । তাৰবাবে আশ্ৰমখন পৰিচালনাৰ লগত জড়িতসকলৰ লগত আলাপ আলোচনা কৰে ৷ অৱশ্যে কেন্দ্ৰীয় মন্ত্ৰীগৰাকীয়ে কোনো ধৰণৰ ৰাজনৈতিক মন্তব্য কৰাৰ পৰা বিৰত থাকে ৷

লগতে পঢ়ক: Health certificate scam: মৰিয়নি নাগাজাঙ্ক স্বাস্থ্য কেন্দ্ৰত প্ৰমাণ পত্ৰৰ বেহা