লোকসভা নিৰ্বাচনত অধিক শক্তিশালী ৰূপত কাম কৰিব BJP য়ে: ৰণোজ পেগু

তিতাবৰ,১৯ ডিচেম্বৰ: চৌদিশে নিৰ্বাচনৰ গৰম বতাহ । আগন্তুক লোকসভা নিৰ্বাচনক লৈ টঙালি বান্ধিছে প্ৰতিটো ৰাজনৈতিক দলে । নিৰ্বাচনৰ তাৰিখ যদিও ঘোষণা হোৱা নাই তথাপিও প্ৰতিটো দলেই আৰম্ভ কৰিছে প্ৰচাৰৰ প্ৰাৰম্ভিক কাম-কাজ । হাত সাবটি বহি থকা নাই শাসকীয় দল ভাৰতীয় জনতা পাৰ্টি । আগন্তুক লোকসভা নিৰ্বাচনক লৈ তৎপৰ বিজেপি  । মঙলবাৰে তিতাবৰত কেইবাখনো বুথৰ বিশেষ সাংগঠনিক সভাত অংশগ্ৰহণ কৰে মন্ত্ৰী ৰণোজ পেগুৱে ।  

তিতাবৰত বিজেপি দলৰ সাংগঠনিক ভেটি যাতে অধিক শক্তিশালী হয় তাৰ প্ৰতি লক্ষ্য ৰাখি মঙলবাৰৰে পৰা তিতাবৰত বাহৰ পাতিছে মন্ত্ৰী ৰণোজ পেগু, জয়ন্তমল্ল বৰুৱা আৰু পীয়ুষ হাজৰীকাই । তিতাবৰ প্ৰতিটো বুথৰ সাংগঠনিক দিশৰ ওপৰত আলোচনা কৰিব মন্ত্ৰীসকলে । আগন্তুক লোকসভা নিৰ্বাচনত তিতাবৰত বিজেপি দলে অধিক শক্তিশালী ৰূপত কাম কৰিব বুলি আশাবাদী মন্ত্ৰী ৰণোজ পেগু । কংগ্ৰেছৰ দুৰ্গ তিতাবৰত এইবাৰ বিজেপিয়েই জয়ী হ'ব বুলি কয় মন্ত্ৰী ৰণোজ পেগুৱে ।  

লগতে পঢ়ক: ৰাইজৰ কণ্ঠক চৰকাৰে অৱৰুদ্ধ কৰিব বিচাৰিছে :ভূপেন বৰা