Robbery case: কৰিমগঞ্জত দুধৰ্ষ ডকাইতি; সোণৰ অলংকাৰৰ লগতে নগদ ধন লৈ উধাও ডকাইত

কৰিমগঞ্জ, 13 ছেপ্টেম্বৰ : কৰিমগঞ্জ জিলাৰ পাথাৰকান্দি থানাৰ অন্তৰ্গত অচিমগঞ্জ অঞ্চলত ডকাইতিৰ ঘটনা সংঘটিত হৈছে ৷ ডকাইতৰ আক্ৰমণত গুৰুতৰভাৱে আহত হৈছে 2 জন লোক ৷ ডকাইতে সোণৰ অলংকাৰৰ লগতে নগদ ধন লুটি লৈ যায় ৷

ঘটনাৰ সবিশেষ তথ্য অনুসৰি, কৰিমগঞ্জ জিলাৰ অচিমগঞ্জ বাইপাছ অঞ্চলৰ এফ এছ ট্ৰেডিঙৰ স্বত্বাধিকাৰী চুফিয়ান আহমেদৰ ঘৰত মঙলবাৰে নিশা এটা দুষ্কৃতিকাৰীৰ দলে প্ৰৱেশ কৰি প্ৰথমে চিচিটিভিৰ লাইন ভাঙি চুৰমাৰ কৰে, তাৰ পিচতে ঘৰত প্ৰৱেশ কৰি লুটপাত কৰে ৷ ডকাইতৰ দলটোৱে ঘৰৰ আচবাবৰ পৰা আৰম্ভ কৰি সকলো সামগ্ৰী ছেদেলি ভেদেলি কৰে ৷ লগতে দলটোৱে কেইবা লাখ টকাৰ নগদ ধন আৰু সোণৰ অলংকাৰ লুটপাত কৰে । 

ইফালে ডকাইতৰ আক্ৰমণত পৰিয়ালটোৰ দুগৰাকী লোক গুৰুতৰভাৱে আহত হয়। আহতকেইজন হৈছে চুফিয়ান উদ্দিন, সুপ্ৰিয়া বেগম। এই তথ্য লাভ কৰাৰ লগে লগে পাথাৰকান্দি আৰক্ষীয়ে আহতসকলক উদ্ধাৰ কৰি পাথাৰকান্দি চিকিৎসালয়লৈ প্ৰেৰণ কৰে ৷ আহতসকলৰ অৱস্থা গুৰুত হোৱাৰ হেতুকে তেওঁলোকক লগে লগে শিলচৰ মেডিকেললৈ প্ৰেৰণ কৰা হয়। বৰ্তমান আহত কেইজন চিকিৎসাধীন হৈ আছে, তেওঁলোকৰ অৱস্থা সংকটজনক বুলি জানিব পৰা গৈছে।

লগতে পঢ়ক: Theft incident: চোৰ কৰিবলৈ গৈ ৰাইজৰ ৰোষত পৰিল চোৰ