প্ৰকাণ্ড গছ বাগৰি কাজিৰঙা 37 নং ৰাষ্ট্ৰীয় ঘাইপথ বন্ধ

ৰাজ্যৰ বিভিন্ন নেৰানেপেৰা বৰষুণে বাৰুকৈয়ে ক্ষতিগ্ৰস্ত কৰিছে ৰাজ্যবাসীক (Heavy rainfall in Assam) ৷ দেওবাৰে পুৱা প্ৰায় 10 বজাত প্ৰকাণ্ড গছ বাগৰি বন্ধ হৈপৰে কাজিৰঙা 37 নং ৰাষ্ট্ৰীয় ঘাইপথ (Road block at Kaziranga) ৷ বৰষুণৰ ফলত মাটি কোমল হৈ পৰাত পাহাৰৰপৰা গছকেইডাল উভালি পৰে জানিবলৈ দিয়ে বন বিষয়াগৰাকীয়ে ৷ এই ঘটনাত কোনো লোক হতাহতি হোৱা নাই ৷ লগে লগে বন বিভাগে সেই স্থানত উপস্থিত হৈ বাগৰি পৰা গছডাল কাটি পথটো মোকলাবলৈ চেষ্টা কৰে ৷ উজনি-নামনি সংযোগী ঘাইপথটো হঠাৎ বন্ধ হৈ পৰাৰ ফলত ভীষণ যান জঁটৰ সৃষ্টি হয় ৷