Accident in Guwahati: আমিনগাঁৱত পথ দুৰ্ঘটনাত নিহত এজন, আহত আঠজন

গুৱাহাটী, 6 জুলাই: বৃহস্পতিবাৰে আমিনগাঁৱত এক ভয়ংকৰ পথ দুৰ্ঘটনা সংঘটিত হয় ৷ গুৱাহাটী অভিমুখী মালবাহী মেজিক ভানৰ লগত হাজো অভিমুখী ডাম্পাৰৰ মুখামুখি সংঘৰ্ষ হয় ৷ দুৰ্ঘটনাটোত ৰাজীৱ তালুকদাৰ নামৰ এজন লোক নিহত হোৱাৰ লগতে আন আঠজন আৰোহী গুৰুতৰভাৱে আহত হয় ৷

দুৰ্ঘটনাটোত আহত সকল হৈছে ৰবিন দাস, হাবিল আলী, মান্নাল আলী, ধীৰেন দাস ৷ ইয়াৰে আন চাৰিজন আঘাতপ্ৰাপ্ত লোকৰ পৰিচয় বাতৰি লিখাৰ সময়লৈকে জানিব পৰা হোৱা নাই ৷ আহতসকলৰ অৱস্থা অতি সংকটজনক হোৱাৰ বাবে দুজনক তোলাৰাম বাফনা অসামৰিক চিকিৎসালয়ত ভৰ্তি কৰোৱাৰ লগতে আন দুজনক নাৰায়ণা হাস্পতালত আৰু বাকী সকলক জিএমচিএইছ লৈ প্ৰেৰণ কৰা হয় ৷ আনহাতে দুৰ্ঘটনাটো সংঘটিত হোৱাৰ পিচতে ডাম্পাৰখনৰ চালকজনে পলায়ন কৰে বুলি জানিব পৰা গৈছে ৷

লগতে পঢ়ক: Tragic Accident in Mexico: মেক্সিকোত শোকাৱহ পথ দুৰ্ঘটনাত নিহত 29 জন