Dead Body Recovered : 31 নং ৰাষ্ট্ৰীয় ঘাইপথৰ সমীপত অৰ্ধগলিত মৃতদেহ উদ্ধাৰ

বৰপেটাৰোড, 19 জুন: সৰভোগৰ 31 নং ৰাষ্ট্ৰীয় ঘাইপথৰ কাষৰ পুখুৰীত এটা অৰ্ধগলিত মৃতদেহ উদ্ধাৰ হৈছে ৷ 31 নং ৰাষ্ট্ৰীয় ঘাইপথৰ সৰভোগৰ বাৰেগাঁৱৰ ৰাজহুৱা শ্মশানৰ ওচৰৰ পুখুৰীৰ পৰা উদ্ধাৰ হৈছে এই মৃতদেহটো । স্থানীয় লোকে মৃতদেহটো প্ৰত্যক্ষ কৰি সৰভোগ আৰক্ষীক খবৰ দিয়ে ৷ মৃত লোকজনৰ বয়স আনুমানিক ৪০ বছৰ হ’ব বুলি ধাৰণা কৰা হৈছে ৷ উদ্ধাৰ হোৱা মৃতদেহটো বৰ্তমানলৈ চিনাক্ত কৰিব পৰা হোৱা নাই । ইতিমধ্যে ঘটনাস্থলীত দণ্ডাধীশৰ লগতে সৰভোগ থানাৰ আৰক্ষী উপস্থিত হৈ মৃতদেহটো উদ্ধাৰ কৰে । প্ৰত্যক্ষদৰ্শীৰ মতে উদ্ধাৰ হোৱা অৰ্ধগলিত পুৰুষৰ মৃতদেহটো প্ৰায় ৫ দিন পূৰ্বে মৃত্যু হৈছিল বুলি ধাৰণা কৰা হৈছে ৷ লোকজনক দুৰ্বৃত্তই হত্যা কৰি পেলাই থৈ গৈছে নে আত্মহত্যা ঘটনা সেয়া তদন্তৰ পাচতহে পোহৰলৈ আহিব ।

লগতে পঢ়ক:Junali Nath Murder Case: জোনালী নাথ হত্যাকাৰীক ফাঁচি দিয়াৰ দাবীৰে উত্তাল গোৱালপাৰা