Rape charge against a teacher: ছাত্ৰীক যৌন উৎপীড়নৰ চেষ্টা শিক্ষকৰ; স্বীকাৰ কৰিলে নিজৰ দোষ

নগাঁও, 18 ছেপ্টেম্বৰ : পুনৰ এবাৰ গুৰু-শিষ্যৰ পৱিত্ৰ সম্পৰ্কত কালিমা সানিলে এজন শিক্ষকৰ জঘন্য কাণ্ডই ৷ পৱিত্ৰ এই সম্পৰ্কক কলংকিত কৰিলে ধৰ্ষণৰ অভিযোগেৰে অভিযুক্ত এজন লম্পট শিক্ষকে । পাঠদানৰ বাবে আহোঁতেই এইজন শিক্ষকৰ বাবেই সোমবাৰে পুৱাই উত্তপ্ত পৰিস্থিতিৰ সৃষ্টি হ’ল নগাঁৱৰ ঐতিহ্যমণ্ডিত এখন বিদ্যালয়ত ৷

পঞ্চম শ্ৰেণীৰ এগৰাকী ছাত্ৰীক যৌন উৎপীড়নৰ চেষ্টা চলোৱাৰ অভিযোগক কেন্দ্ৰ কৰি নগাঁৱৰ মহেন্দ্ৰ বৰুৱা প্ৰাথমিক বিদ্যালয়ত সৃষ্টি হয় উত্তপ্ত পৰিস্থিতিৰ । বিদ্যালয়খনৰ অধৰ বৰঠাকুৰ নামৰ সহকাৰী শিক্ষকজনৰ বিৰুদ্ধে উত্থাপন হৈছে ছাত্ৰীক যৌন উৎপীড়ন চলোৱাৰ গুৰুতৰ অভিযোগ ৷ বিদ্যালয়খনৰ পঞ্চম শ্ৰেণীৰ এগৰাকী ছাত্ৰীক উৎপীড়ন চলোৱাৰ অভিযোগ উঠিছে শিক্ষকজনৰ বিৰুদ্ধে । 

শনিবাৰে ছাত্ৰীগৰাকীক যৌন নিৰ্যাতনৰ চেষ্টা চলোৱাৰ অভিযোগ লাভ কৰি সোমবাৰে পুৱাই বিদ্যালয়খনত বহু অভিভাৱক উপস্থিত হৈ সৃষ্টি কৰে উত্তাল পৰিৱেশৰ । শিক্ষকজনক বিদ্যালয়তে আঁঠু কঢ়াই শাস্তি বিহে অভিভাৱকসকলে । ছাত্ৰীৰ লগত অসৎ চৰিতাৰ্থ পূৰণৰ চেষ্টা চলোৱা অধৰ বৰঠাকুৰ নামৰ শিক্ষকজনক অৱশেষত বিদ্যালয় কৰ্তৃপক্ষৰ লগতে উপস্থিত অভিভাৱকে গতাই দিলে আৰক্ষীক ।

লগতে পঢ়ক : Minor rape case : ঘৰুৱা শিক্ষকৰ বিৰুদ্ধে নাবালিকাক ধৰ্ষণৰ অভিযোগ, ধুবুৰী আৰক্ষীৰ জালত অভিযুক্ত