Protest at Dibrugarh: মজুৰি বৃদ্ধি- চাকৰি নিয়মীয়াকৰ দাবীত সখী আৰু সমল ব্যক্তি সন্থাৰ প্ৰতিবাদ

অসম গ্ৰামীণ জীৱিকা অভিযানৰ(Assam Rural Livelihood Mission) অধীনত কৰ্মৰত সখী আৰু সমল ব্যক্তিসকলৰ মজুৰি বৃদ্ধিৰ দাবীত বৃহস্পতিবাৰে উত্তাল হৈ পৰে ডিব্ৰুগড়(Protest at Dibrugarh) ৷ ডিব্ৰুগড় জিলাৰ সখী আৰু সমল ব্যক্তি সন্থাই জিলা উপায়ুক্ত কাৰ্যালয়ৰ সন্মুখত প্ৰতিবাদী কাৰ্যসূচী ৰূপায়ণ কৰি বিভিন্ন প্ৰতিবাদী শ্লো'গানেৰে চৌদিশ উত্তাল কৰি তোলে । সখী আৰু সমল ব্যক্তিসকলৰ মজুৰী বৃদ্ধি, চাকৰি নিয়মীয়াকৰণ আৰু মাহিলী নিয়মীয়াকৈ দিয়াৰ লগতে আন কেইবাটাও দাবীত এই প্ৰতিবাদ সাব্যস্ত কৰে ৷ তেওঁলোকে এই সন্দৰ্ভত জিলা উপায়ুক্তৰ জৰিয়তে মুখ্যমন্ত্ৰীলৈ এখন স্মাৰকপত্ৰও প্ৰেৰণ কৰে । চৰকাৰে শীঘ্ৰে তেওঁলোকৰ এই সমস্যা সমাধানৰ ব্যৱস্থা নকৰিলে অনাগত দিন এই প্ৰতিবাদ অধিক তীব্ৰতৰ কৰি তোলাৰ হুংকাৰ দিয়ে(Contractual employees protest in Dibrugarh) ৷