40th Abhiruchi Sports Day:গুৱাহাটীত ৪০ সংখ্যক অভিৰুচি ক্ৰীড়া দিৱসৰ প্ৰস্তুতি

গুৱাহাটী,১ ছেপ্টেম্বৰ: দুদিনীয়া কাৰ্যসূচীৰে আয়োজন কৰা হৈছে ৪০ সংখ্যক অভিৰুচি ক্ৰীড়া দিৱস । অভিৰুচিৰ উদ্যোগত অৰ্জুন ভোগেশ্বৰ বৰুৱাৰ ৮৬ সংখ্যক জন্মদিনৰ লগত সংগতি ৰাখি ৩-৪ ছেপ্টেম্বৰত পালন কৰা হ'ব অভিৰুচি ক্ৰীড়া দিৱস । ৩ ছেপ্টেম্বৰত পুৱা ৬.১৫ বজাত চানমাৰি উৰণ সেতুৰ পৰা নেহৰু ষ্টেডিয়ামলৈ সমূহীয়া দৌৰ অনুষ্ঠিত হ'ব । মুখ্য অতিথি হিচাপে অনুষ্ঠানত উপস্থিত থাকিব ভাৰতীয় মুষ্টিযোদ্ধা লাইশ্ৰাম সৰিতা দেৱী ।  

ইয়াৰ পিছতে নেহৰু ষ্টেডিয়ামত নৃত্য প্ৰতিযোগিতা অনুষ্ঠিত হ'ব । ৪ ছেপ্টেম্বৰত কুঁইজ প্ৰতিযোগিতাৰ লগতে ভাৰতীয় দলত প্ৰতিনিধিত্ব কৰা ৰাজ্যৰ কেইবাগৰাকীও খেলুৱৈক কেইবাটা শিতানত সম্বৰ্ধনা জনোৱা হ'ব । চন্দ্ৰনাথ চক্ৰৱৰ্তী Physical Education Excellence Award এই বৰ্ষৰ পৰা আৰম্ভ কৰা হৈছে ।  

জ্ঞানবীৰ চিদানন্দ দাসৰ নামত থাকিব এটা বঁটা, যোগেশ শৰ্মা ক্ৰীড়া উদ্যোগী বঁটা এটা থাকিব । গোপাল বৰুৱা Promising Player Award এটা থাকিব । ২ গৰাকী ব্যক্তিক বিশেষ সন্মান প্ৰদান কৰা হ’ব । এই কথা শুকুৰবাৰে সংবাদমেলযোগে সদৰী কৰে অভিৰুচি ক্ৰীড়া সন্থাৰ অধ্যক্ষ বলেন্দ্ৰ মোহন চক্ৰৱৰ্তীয়ে । তেওঁ কয় যে, এইবাৰ ৰাজ্যৰ ১০৭ টা স্থানত অভিৰুচি দিৱস পালন কৰা হ'ব । এই কাৰ্যসূচীত অংশগ্ৰহণ কৰিবলৈ সকলোকে আহ্বান জনায় ।  

লগতে পঢ়ক: Surrender of juvenile sexual abuse accused: কিশোৰী যৌন নিৰ্যাতনৰ অভিযুক্ত ৱাজিদ হুছেইনৰ পত্নীসহ আত্মসমৰ্পণ