হৰিনামৰ ধ্বনিৰে মুখৰিত মাজুলীৰ আউনীআটী সত্ৰৰ মণিকাঞ্চন ৰং ক্ষেত্ৰ

মাজুলী, 2 জানুৱাৰী : 10 হাজাৰ মহিলাই দিহানাম পৰিৱেশনৰ বাবে সাজু হৈ উঠিছে মাজুলীত ৷ উল্লেখ্য যে, 18 জানুৱাৰী পৰা মাজুলীৰ আউনীআটী সত্ৰৰ মণিকাঞ্চন ৰং ক্ষেত্ৰত অনুষ্ঠিত হ’ব সদৌ অসম ভাওনা সমাৰোহ 2024 ৷ উক্ত সমাৰোহৰ উদ্বোধনী অনুষ্ঠানতে অসমৰ বিভিন্ন প্ৰান্তৰ পৰা অহা 10 হাজাৰ মহিলাই একেলগে পৰিৱেশন কৰিব দিহানাম ৷ যাৰ কাৰণে আউনীআটী সত্ৰৰ মণিকাঞ্চন ৰং ক্ষেত্ৰত হাজাৰো অধিক মহিলাই মঙলবাৰে দিহানামৰ অনুশীলন কৰে ৷ 

ইফালে সদৌ অসম ভাওনা সমাৰোহৰ বাবেও প্ৰস্তুতি তুংগত কৰি তুলিছে আয়োজক কমিটিয়ে ৷ উক্ত ভাওনা সমাৰোহত অসমৰ বিভিন্ন প্ৰান্তৰ পৰা অহা 20 টাকৈ ভাওনাৰ দলে অংশগ্ৰহণ কৰিব ৷ সমাৰোহখনিৰ উদ্বোধন কৰিব মুখ্যমন্ত্ৰী হিমন্ত বিশ্ব শৰ্মাই ৷ এই কথা বুলি জানিবলৈ দিছে আয়োজক কমিটিয়ে । উল্লেখ্য যে, মাজুলীৰ ঐতিহাসিক আউনীআটী সত্ৰই দুবছৰৰ মূৰে মূৰে আয়োজন কৰি আহিছে সদৌ অসম ভাওনা সমাৰোহখনি ৷

লগতে পঢ়ক : মাজুলীৰ সত্ৰসমূহ দৰ্শন কৰি অভিভূত RSS প্ৰধান মোহন ভাগৱত