নতুন দিল্লী : আজিকালি সকলোৱে অনলাইৰ জৰিয়তে টকা-পইচাৰ লেনদেন কৰে ৷ ইয়াৰ ব্যতিক্ৰম আপুনি বা ময়ো নহয় ৷ ১০০ জনৰ ভিতৰত প্ৰায় ৯০ জন ব্যক্তিয়েই অনলাইন পদ্ধতিৰে টকা-পইচাৰ লেনদেনক বেছি প্ৰাধান্য দিয়ে ৷
বিশ্বৰ ভিন্ন প্ৰান্ততকৈ বিশেষকৈ ভাৰতত দ্ৰুতগতিত বৃদ্ধি পাইছে UPI ৰ জৰিয়তে নগদবিহীন লেনদেনৰ জনপ্ৰিয়তা । মানুহে নিজৰ সৰু-বৰ প্ৰয়োজন পূৰণৰ বাবে ডিজিটেল পেমেণ্টক পছন্দ কৰে । UPI ৰ লেনদেনৰ ফলত কেৱল নগদ ধনৰ প্ৰাধান্যই কমি যোৱা নাই, ইয়াৰ ফলত ATM কাৰ্ডৰ ব্যৱহাৰো যথেষ্ট কমি আহিছে ।
কিন্তু কেতিয়াবা আপুনি ভাবিছেনে ডিজিটেল পেমেণ্টৰ ওপৰত অত্যধিক নিৰ্ভৰশীল হোৱাৰ ফলতো কেতিয়াবা আৰ্থিক ভাৰসাম্যহীনতাৰ সৃষ্টি হ’ব পাৰে । এই কথা মনত ৰাখি ভাৰতীয় ষ্টেট বেংকে(SBI) UPI ৰ সীমা নিৰ্ধাৰণ কৰিছে, যাতে গ্ৰাহকে অপ্ৰয়োজনীয় খৰচৰ পৰা হাত সাৰিব পাৰে ।
শেহতীয়াকৈ SBI-এ গ্ৰাহকৰ বাবে প্ৰতিদিনে ১০টা UPI লেনদেনৰ সৰ্বোচ্চ সীমা নিৰ্ধাৰণ কৰিছে । অৱশ্যে আপোনাৰ প্ৰয়োজন অনুসৰি এই সীমা পৰিচালনা কৰিব পাৰিব । SBI ত UPI লেনদেনৰ সীমা কেনেকৈ সলনি কৰিব লাগে জানি লওক -
- SBI ৰ UPI লেনদেনৰ সীমা কি ?
ভাৰতীয় ষ্টেট বেংকে গ্ৰাহকৰ বাবে প্ৰতি লেনদেনত UPI ৰ সীমা ১,০০,০০০ টকা নিৰ্ধাৰণ কৰিছে । এইটো সকলো UPI এপৰ ক্ষেত্ৰতে প্ৰযোজ্য হ’ব । অৰ্থাৎ আপুনি নিজৰ SBI একাউণ্টৰ পৰা এটা সময়ত যিকোনো ব্যক্তিলৈ মাত্ৰ ১,০০,০০০ টকা পৰ্যন্ত পঠিয়াব পাৰিব ।
ইয়াৰ বাহিৰেও বেংকে গ্ৰাহকক প্ৰতিদিনে ১০টাতকৈ অধিক UPIৰ জৰিয়তে লেনদেন কৰাত বাধা প্ৰদান কৰিব ৷ অৱশ্যে মাহেকীয়া বা বছৰেকীয়া UPI লেনদেনৰ কোনো সীমা নিৰ্ধাৰণ কৰা নাই SBI-এ ।
- UPI লেনদেনৰ সীমা কেনেকৈ সলনি কৰিব পাৰি
যদি আপুনি আপোনাৰ SBI একাউণ্টত UPI সীমা কাষ্টমাইজ কৰিব বিচাৰে তেন্তে আপুনি ইয়াক SBI YONO এপৰ জৰিয়তে পৰিচালনা কৰিব পাৰে ।
- SBI ৰ UPI লেনদেনৰ সীমা সলনি কৰাৰ উপায়-
- SBI নেট বেংকিং বা YONO এপত লগ ইন কৰক
- UPI Transfer বিকল্পত ক্লিক কৰক
- UPI লেনদেন সীমা নিৰ্ধাৰণ কৰক
- আপোনাৰ ইণ্টাৰনেট বেংকিং পাছৱৰ্ড দিয়ক
- বৰ্তমানৰ UPI সীমা চোৱাৰ পিছত নতুন সীমা অন্তৰ্ভূক্ত কৰক
- যদি বৰ্তমানৰ সীমা ১,০০,০০০ টকা হয়, তেন্তে ইয়াক বৃদ্ধি কৰিব নোৱাৰি, কিন্তু হ্ৰাস কৰিব পাৰি
- নতুন সীমাত গৈ 'Submit'ত ক্লিক কৰক
- OTP পৰীক্ষণৰ পিছত নতুন সীমা নিৰ্ধাৰণ কৰা হ’ব
