Noonmati police raid : নুনমাটি আৰক্ষীৰ অভিযানত ৪ খনকৈ চুৰি মটৰ চাইকেল উদ্ধাৰ

শেহতীয়াকৈ ৰাজ্যৰ ৰাজধানী চহৰ গুৱাহাটীত সক্ৰিয় হৈছে গাড়ী চুৰি চক্ৰ । ইয়াৰ মাজতে গাড়ী চুৰি চক্ৰৰ বিৰুদ্ধে মহানগৰ আৰক্ষীয়ে চলালে এক অভিযান । নুনমাটি থানাৰ সহকাৰী আৰক্ষী আয়ুক্ত নিলোৎপল ডেকাৰ নেতৃত্বত যোৱা আৰক্ষীৰ দলটোৱে মঙলবাৰে মহানগৰীৰ নিকটৱৰ্তী বকোত অভিযান চলাই চাৰিখনকৈ চুৰি বাইকৰ লগতে দুই গভাইত চোৰক গ্ৰেপ্তাৰ কৰিবলৈ সক্ষম হয় (Bike lifter arrested at Boko)। আৰক্ষীৰ জালত পৰা চোৰ দুটা হৈছে মৰিগাঁৱৰ মজিবুৰ আলী আৰু গোৱালপাৰাৰ নুৰ আলম । অভিযানত আৰক্ষীয়ে চুৰি মটৰ চাইকেলৰ লগতে মোবাইল ফোনো জব্দ কৰে (Stolen bike recovered)। আৰক্ষীয়ে জব্দ কৰা মটৰ চাইকেল কেইখন মহানগৰীৰ ভিন্ন প্ৰান্তত সংঘটিত হোৱা চেইন চুৰি, ডকাইতি আদিৰ দৰে বিভিন্ন অপৰাধমূলক কাৰ্যত ব্যৱহাৰ কৰা বুলি সন্দেহ প্ৰকাশ কৰিছে আৰক্ষীয়ে । ঘটনা সন্দৰ্ভত নুনমাটি থানত এক গোচৰ ৰজু কৰি আৰক্ষীয়ে তদন্ত প্ৰক্ৰিয়া অব্যাহত ৰাখিছে ।