Independence day parade: নলবাৰীত 14 টা প্লাটুনে চলাইছে পেৰেডৰ অনুশীলন

নলবাৰী, 13 আগষ্ট: সমাগত স্বাধীনতা দিৱস ৷ সমগ্ৰ দেশে এইবাৰ পালন কৰিব 77 সংখ্য স্বাধীনতা দিৱস ৷ স্বাধনীতা দিৱস উপলক্ষে পেৰেডৰ অনুশীলনত ব্যস্ত হৈ পৰিছে আৰক্ষী জোৱানৰ লগতে NCC আৰু বিভিন্ন বিদ্যালয় মহাবিদ্যালয়ৰ ছাত্ৰী-ছাত্ৰী ৷ গুৱাহাটীৰ সমান্তৰালভাৱে নলবাৰীতো পেৰেডৰ অনুশীলনত ব্যস্ত হৈ পৰিছে আৰক্ষী আৰু ছাত্ৰ-ছাত্ৰী ৷  

স্বাধীনতা দিৱসৰ প্ৰাকক্ষণত নলবাৰী আৰক্ষী অধীক্ষক কাৰ্যালয়ৰ খেলপথাৰত চলিছে পেৰেডৰ অনুশীলন । অসম আৰক্ষীৰ 9 টা আৰু বিভিন্ন স্কুল-কলেজৰ ৫ টা প্লাটুনসহ মুঠ ১৪ টা প্লাটুনে এইবাৰ অংশ ল'ব নলবাৰী জিলা প্ৰশাসনৰ দ্বাৰা অনুষ্ঠিত হোৱা স্বাধীনতা দিৱসত । ১৪ টা প্লাটুনৰ মুঠ অনুশীলনকাৰীৰ সংখ্যা ৩৭০ গৰাকী । আৰক্ষী বিষয়া প্ৰমোদ দাসৰ নেতৃত্বত নলবাৰী আৰক্ষী চাউনি খেলপথাৰত পুৱা-গধূলি চলিছে পেৰেডৰ অনুশীলন।

লগতে পঢ়ক:AASU Protest in Chamata:বিদ্যালয় একত্ৰীকৰণৰ বিৰুদ্ধে নলবাৰীত গৰজি উঠিল আছু