Mosquito net supply scame in BTR: আঠুৱা কেলেংকাৰীৰ আন এজন অভিযুক্তক গ্ৰেপ্তাৰ

বিটিআৰত আঁঠুৱা যোগানৰ ভুৱা অৰ্ডাৰৰ(Fake supply orders) নামত দিল্লীৰ ঠিকাদাৰৰ পৰা বৃহৎ পৰিমাণৰ ধন আত্মসাৎ কৰা ঘটনাৰ আন এজন অভিযুক্তক শুকুৰবাৰে কোকৰাঝাৰ আৰক্ষীয়ে গ্ৰেপ্তাৰ কৰে । কোকৰাঝাৰ আৰক্ষীয়ে গোৰেশ্বৰৰ পৰা গ্ৰেপ্তাৰ কৰে অনছুমা বসুমতাৰী নামৰ লোকজনক ৷ উল্লেখ্য যে, ৩ কোটি ৫০ লাখ টকাৰ আঁঠুৱা যোগানৰ ভুৱা "Work order" দিয়াৰ অভিযোগত দিল্লীৰ অশ্বিনী শৰ্মা নামৰ ঠিকাদাৰজনে কোকৰাঝাৰ সদৰ থানাত এটা গোচৰ ৰুজু কৰিছিল । ঠিকাদাৰজনে পঞ্জীয়ন কৰা গোচৰ নং 263/22 U/S120(B) /416 / 420/ 409/ 406/34 IPC ৰ ভিত্তিত কোকৰাঝাৰ আৰক্ষীয়ে তদন্ত অব্যাহত ৰাখিছিল ৷ উক্ত গোচৰৰ ওপৰত ভিত্তি কৰি আজি কোকৰাঝাৰ আৰক্ষীয়ে গোৰেশ্বৰৰ পৰা অনছুমা বসুমতাৰী নামৰ অভিযুক্তজনক গ্ৰেপ্তাৰ কৰে । ইয়াৰ পূৰ্বে আঁঠুৱা যোগানৰ এই ভুৱা ৱাৰ্ক অৰ্ডাৰ উলিওৱা ঘটনাৰে জড়িত থকাৰ অভিযোগত নলবাৰীৰ ৰূপম ডেকা আৰু অনুপম কলিতাক কোকৰাঝাৰ আৰক্ষীয়ে গ্ৰেপ্তাৰ কৰি ইতিমধ্যে জেললৈ প্ৰেৰণ কৰিছে ।