NSUI Protest in Nagaon:মণিপুৰৰ হিংসাত্মক ঘটনাৰ বিৰুদ্ধে প্ৰতিবাদ NSUI ৰ

নগাঁও,21 জুলাই: মণিপুৰত সংঘটিত হিংসাত্মক ঘটনাৰ বিৰুদ্ধে নগাঁৱত শুক্ৰবাৰে প্ৰতিবাদী কাৰ্য্যসূচী গ্ৰহণ কৰে NSUI ৰ নগাঁও জিলা সমিতিয়ে । শেহতীয়াকৈ মণিপুৰত মানৱতাক ভূলুণ্ঠিত হোৱা ঘটনাৰ গৰিহণা দিয়াৰ লগতে কেন্দ্ৰৰ বিজেপি চৰকাৰৰ বিৰুদ্ধে সৰব হৈ পৰে কংগ্ৰেছৰ ভাতৃ সংগঠন NSUI য়ে ।  

শুকুবাৰে নগাঁও জিলা উপায়ুক্ত কাৰ্যালয়ৰ সমীপত প্ৰতিবাদী কাৰ্য্যসূচী গ্ৰহণ কৰি ৰাজপথত এন এছ ইউ আই কৰ্মীয়ে দাহ কৰে প্ৰধানমন্ত্ৰী নৰেন্দ্ৰ মোদীৰ পুত্তলিকা । লগতে বিজেপি চৰকাৰৰ বিৰুদ্ধে বিভিন্ন শ্ল'গানেৰে পৰিবেশ উত্তাল কৰি তোলে এন এছ ইউ আই কৰ্মীয়ে । কেন্দ্ৰত বিজেপি চৰকাৰ থকাৰ পিছতো মণিপুৰৰ হিংসাত্মক ঘটনা নিয়ন্ত্ৰণলৈ আনিব নোৱাৰাটোৱে চৰকাৰৰ চৰম ব্যৰ্থতাৰ প্ৰমাণ হোৱা বুলি মন্তব্য কৰে এন এছ ইউ আইৰ নগাঁও জিলা সভাপতি পল্লৱ নাথে ৷

লগতে পঢ়ক:Drugs seized : চাপৰমুখত শূণ্যলৈ গুলী আৰক্ষীৰ; আটক তিনি ড্ৰাগছ সৰবৰাহকাৰী