Mysterious Kidnapping in Guwahati : মহানগৰীত ৰহস্যজনক অপহৰণ কাণ্ড; সন্ধানহীন ভ্ৰাতৃ-ভগ্নী

গুৱাহাটী, 5 জুলাই : মহানগৰীত সংঘটিত হৈছে ৰহস্যজনক অপহৰণ কাণ্ড ৷ মহানগৰীৰ মাজমজিয়াৰ পৰাই অপহৰণ দুই স্কুলীয়া শিশুক ৷  স্কুললৈ যোৱাৰ পথৰ পৰাই অপহৰণ কৰা হ'ল দুই ভাতৃ-ভগ্নীক ৷

বশিষ্ঠ অঞ্চলৰ বাক্ৰাপাৰাৰ মনসা মন্দিৰৰ সমীপত সংঘটিত হৈছে এই ৰহস্যজনক অপহৰণ কাণ্ড ৷ অপহৃত শিশুদ্বয় ছনী শ্যামন্ত আৰু প্ৰিন্স শ্যামন্ত ৷ ছনী শ্যামন্তৰ বয়স 16 বছৰ আৰু প্ৰিন্স শ্যামন্তৰ বয়স 9 বছৰ বুলি জানিব পৰা গৈছে ৷ হেপী মন্টেছৰী স্কুলৰ নৱম শ্ৰেণীৰ ছাত্ৰ ছনী শ্যামন্ত ৷ আনহাতে, চিকে একাডেমীৰ দ্বিতীয় শ্ৰেণীৰ ছাত্ৰ প্ৰিন্স শ্যামন্ত ৷ ঘটনা সন্দৰ্ভত পৰিয়ালবৰ্গই তাৎক্ষণিকভাৱে কাষ চাপিছে বশিষ্ঠ আৰক্ষীৰ ৷

বশিষ্ট আৰক্ষীয়ে ইতিমধ্যে ঘটনা সন্দৰ্ভত আৰম্ভ কৰিছে তদন্ত ৷ বাতৰি লিখা পৰলৈকে শিশুদুটিক উদ্ধাৰ কৰিবলৈ সক্ষম হোৱা নাই আৰক্ষী ৷ এই ঘটনাৰ পিছতে ব্যাপক চাঞ্চল্যৰ সৃষ্টি হৈছে সমগ্ৰ বশিষ্ট অঞ্চলত ৷ 

লগতে পঢ়ক : Guwahati Traffic: গুৱাহাটী মহানগৰীৰ শিৰত যান-বাহনৰ অভাৱনীয় বোজা; দৈনিক চলাচল 10 লক্ষাধিক বাহনৰ